Sjúk­lingur á krabba­meins­deild er smitaður

Í til­kynningu frá spítalanum segir að ítar­leg rakning hafi farið fram inni á spítalanum vegna smitsins, tveir aðrir sjúk­lingar verið sendir í sótt­kví og starfs­fólk ýmist verið skipað í sótt­kví A eða vinnu­sótt­kví eftir at­vikum.

Sjúk­lingurinn greindist við skimun á spítalanum í gær. Hann var fluttur á smit­sjúk­dóma­deild í ein­angrun.

Ekki er ljóst hvort bein tenging sé á milli smita starfs­mannanna tveggja og sjúk­lingsins og í til­kynningu spítalans segir að hér sé mögu­lega um þrjá að­skilda at­burði að ræða.

Á umræddri deild fara fram lyflækningar fyrir sjúklinga með krabbamein en einnig greining og meðferð blóðsjúkdóma, einkameðferð og stuðningsmeðferð vegna fylgikvilla meðferðar. 

Tíu sjúk­lingar liggja nú inni á Land­spítalanum með Co­vid-19, átta á legu­deildum og tveir á gjör­gæslu.

Síðast­liðinn sólar­hring út­skrifaðist einn og þrír lögðust inn. Sjúk­lingurinn á krabba­meins­deildinni er einn þessara þriggja.