Bein útsending: Hádegisfréttir Bylgjunnar

Við förum ítarlega yfir stöðu kórónuveirufaraldurins og leitum svara við því hvaða stefna verður tekin eftir að núgildandi sóttvarnaaðgerðir falla úr gildi á föstudag.

Loftlagsnefnd Sameinuðu þjóðanna birti fyrsta hluta af mjög svartri skýrslu sinni um loftlagsmálin í morgun. Mannkynið fær rauða spjaldið frá Jörðinni sem ekki hefur undan síaukinni mengun gróðurhúsalofttegunda. Við heyrum meðal annars í umhverfisráðherra.

Forstöðukona Reykjadals, sumarbúða fyrir fötluð börn og ungmenni, er sorgmædd eftir að einn greindist þar með kórónuveiruna. Hún vonar að bólusetningar dugi til að verja þennan viðkvæma hóp.

Þetta og fleira í hádegisfréttum Bylgjunnar klukkan tólf á hádegi sem einnig eru sendar út beint á Vísi.