Enski boltinn

Arsenal án Auba­mey­ang og Lacazette gegn Brent­ford í kvöld

Runólfur Trausti Þórhallsson skrifar
Þessir tveir verða fjarri góðu gamni er Arsenal mætir Brentford.
Þessir tveir verða fjarri góðu gamni er Arsenal mætir Brentford. Stuart MacFarlane/Getty Images

Arsenal verður án tveggja sinna bestu manna er liðið heimsækir nýliða Brentford í fyrsta leik ensku úrvalsdeildarinnar í knattspyrnu á leiktíðinni.

Nú rétt í þessu greindi David Ornstein hjá The Athletic frá því að Pierre-Emerick Aubameyang, fyrirliði Arsenal, sem og Alexandre Lacazette væru veikir og yrðu því ekki með Arsenal í kvöld. Um er að ræða tvo af reynslumeiri leikmönnum Arsenal-liðsins.

Það er ljóst að þetta er mikið högg fyrir Mikel Arteta, þjálfara liðsins, sem og Arsenal stuðningsfólk sem var að vonast eftir því að byrja tímabilið af krafti.

Hvað nákvæmlega er að hrjá framherjana tvo kemur ekki fram í frétt The Athletic en ljóst er að hvorugur verður með í kvöld.

Fótbolti Enski boltinn

Mest lesið


Fleiri fréttir

Sjá meira


×

Mest lesið