Á leið í útrás en allt hófst þetta í háskólanum

LearnCove er eitt þeirra nýsköpunarfyrirtækja sem varð til áratuginn eftir bankahrun. Félagið var stofnað árið 2016 og er í meirihlutaeigu starfsfólks auk tveggja englafjárfesta.

Covid hefur aukið eftirspurnina

Í stuttu máli má segja að LearnCove aðstoði fólk við þjálfun og fræðslu. Þannig getur fyrirtæki í fisk- eða matvinnslu til dæmis nýtt LearnCove til að þjálfa starfsfólkið sitt í að nota nýjan vélbúnað, hugbúnaðarfyrirtæki getur þjálfað nýja notendur og sérfræðingar geta sérsniðið efni að þörfum sinna viðskiptavina.

Grunnhugmyndin að LearnCove spratt upp í Háskólanum í Reykjavík.

„Lokaverkefnishópur í HR fór af stað með grunnhugmyndina 2015 sem sneri að því að styðja við notkun á öppum í grunnskólum til að mæta betur persónumiðuðum þörfum nemenda. Miklar breytingar hafa þó átt sér stað frá þeim tímapunkti og hugbúnaðurinn hefur þróast yfir í að vera fjölhæft alþjóðlegt fræðslu- og þjálfunarkerfi,“ segir Aðalheiður.

Heimsfaraldurinn hefur ýtt enn undir vaxtamöguleika LearnCove því á tímum Covid hafa framleiðendur á ýmsum sviðum leitað leiða til að geta boðið upp á þjónustuna sína bæði rafrænt og staðbundið.

„Til dæmis er Kristrún Birgisdóttir og hennar teymi hjá Ásgarði í Skýjunum að nýta LearnCove undir fræðslunet fyrir íslenskt skólakerfi og þannig láta langþráðan draum um persónumiðun náms rætast,“ segir Aðalheiður og bætir við: „Annað dæmi er Fjarmedferð, hópur reyndra sjúkraþjálfara sem hefur þróað leið með LearnCove til að sjúkraþjálfarar víða í heiminum hafi aðgang að æfingaáætlunum sem þeir geta aðlagað að þörfum sinna skjólstæðinga.“

Þá segir Aðalheiður að viðskiptavinir séu nú þegar að nýta LearnCove til að markaðssetja þjónustu sína á erlendum mörkuðum. 

Þar nefnir hún sérstaklega Svíþjóð, Þýskaland og Katar.

Íslenskan ekki hindrun í LearnCove

Aðalheiður segir mörg íslensk fyrirtæki standa frammi fyrir áskorunum þegar kemur að erlendri sókn vegna tungumálahindrana og menningarmuns.

LearnCove einsetti sér það því snemma að leggja mikið upp úr víðtækum tungumálastuðningi og auðvelda þannig viðskiptavinum að aðlaga efnið sitt að ólíkum mörkuðum.

Í dag er viðmót, efni og texti kerfisins því aðgengilegt með sjálfvirkri þýðingu á 107 tungumálum en eins segir Aðalheiður hægt að bjóða túlkum inn í kerfið til að fínpússa þýðingar.

Þar að auki geta þjálfarar og notendur átt samskipti í netspjalli á sitt hvoru tungumálinu,“ 

segir Aðalheiður.

Aðalheiður segir einnig mikilvægt að benda á hvernig nýsköpun eins og LearnCove nýtist til að sporna við loftlagsáhrifum.

„Með aukinni rafvæðingu þjálfunar fækkar ferðalögum og sem dæmi leiðir réttari notkun vélbúnaðar einnig til lengri endingar tækjanna.“

Þakklát styrkjum Tækniþróunarsjóðs

Aðalheiður segir styrki frá Tækniþróunarsjóði hafa hjálpað mikið til og gert LearnCove kleift að þróa þjónustuna eftir þörfum markaðarins.

Fyrir vikið erum við með fræðslu- og þjálfunarhugbúnað sem er að skila góðum árangri og erum tilbúin að fara inn á erlenda markaði með íslenska nýsköpun.“

Á næstu vikum er ætlunin að fá fjárfesta til liðs við LearnCove til að styðja við frekari vöxt fyrirtækisins á erlendum mörkuðum.

Sem Aðalheiður segir fullt tilefni til að stefna á.

„Sérstaða LearnCove felst í því að hjálpa okkar viðskiptavinum að búa til fræðslunet byggt á þeirra sérþekkingu eða vörum. Hvert sem markmið þjálfunarinnar er þá geta viðskiptavinir okkar útbúið miðlæga verkfærakistu þar sem þeir geta púslað saman með einföldum hætti fjölbreyttum tegundum efnis, allt frá myndböndum til verkefna í sýndarveruleika. Efninu er síðan hægt að raða saman með einföldum hætti eins og lagalista á Spotify og nýta einingarnar í netnámskeið, staðkennslu, hópavinnu eða með persónumiðun.“

Aðalheiður segir LearnCove finna fyrir miklum áhuga og þörfin aukist víða hjá fyrirtækjum með vél- eða hugbúnað sem kallar á sérstaka þjálfun.

Þá sé það styrkleiki fyrir fyrirtæki sem ætlar í útrás að viðskiptavinir LearnCove koma úr mörgum mismunandi geirum.

Brenna fyrir tæknilausnum

Aðalheiður segist afar stolt af því fimm manna teymi sem nú starfar hjá LearnCove. Öll eigi þau það sameiginlegt að brenna fyrir tæknilausnum.

Sjálf er hún menntuð í tölvunar- og verkfræði en hún, ásamt Hinriki Má Hreinssyni og Sölva Má Benediktssyni hafa verið viðloðandi LearnCove nánast frá upphafi. Hinrik og Sölvi eru báðir menntaðir hugbúnaðarsérfræðingar en með sérþekkingu á sitt hvoru sviðinu. Hinrik í gervigreind og leitarvélabestun en Sölvi á sviði gagnagrunna og arkitektúr kerfa.

Tveir starfsmenn starfa hjá LearnCove til viðbótar. Það eru þeir Sveinbjörn Ásgeirsson verkefnastjóri en hann hefur meira en áratuga reynslu á sviði Scrum og Agile verkefnastjórnunar hjá fyrirtækjum sem eru með erlenda starfsemi. Þá starfar hjá LearnCove Gunnar Jónsson, markaðs- og sölustjóri en á því sviði hefur Gunnar starfað í um aldarfjórðung.

„Það er mjög gefandi fyrir okkur sem teymi að vita að sú mikla vinna sem við höfum lagt í LearnCove sé að hjálpa til við að styðja betur við persónumiðaðar þarfir nemanda í skólakerfinu, hjálpa fólki sem er undir handleiðslu sjúkraþjálfara að ná skjótari bata og hjálpa sérfræðingum og framleiðslufyrirtækjum að breiða út sína sérþekkingu og nýsköpun.“