Fótbolti

Ian Jeffs tekur við Þrótturum

Hjörtur Leó Guðjónsson skrifar
Ian Jeffs fær það verkefni að koma Þrótturum upp úr 2. deildinni.
Ian Jeffs fær það verkefni að koma Þrótturum upp úr 2. deildinni. Vísir/Bára

Ian Jeffs hefur verið ráðinn þjálfari karlaliðs Þróttar R. til næstu þriggja ára, en Jeffs var aðstoðarþjálfari karlaliðs ÍBV í sumar, ásamt því að stýra kvennaliðinu seinni part sumars.

Þróttur greinir frá þessu á Facebook-síðu sinni, en ´liðið féll úr Lengjudeildinni á síðasta tímabili og mun því leika í annari deild næsta sumar.

Jeffs fær því það hlutverk að koma Þrótturum aftur á beinu brautina, en í tilkynningu félagsins kemur fram að félagið vænti mikils af Jeffs, og að hann muni leiða uppbyggingu karlaliðsins.

Jeffs kom til landsins frá Englandi árið 2003, og hefur leikið yfir 270 meistaraflokksleiki á Íslandi. 

Fótbolti Þróttur Reykjavík

Mest lesið


Fleiri fréttir

Sjá meira


×

Mest lesið