Handbolti

Atli Ævar frá fram yfir áramót

Hjörtur Leó Guðjónsson skrifar
Atli Ævar Ingólfsson verður ekki með Selfyssingum í Olís-deild karla á næstunni.
Atli Ævar Ingólfsson verður ekki með Selfyssingum í Olís-deild karla á næstunni. vísir/bára

Enn bætist á meiðslalista handknattleiksliðs Selfoss, en línumaðurinn reyndi, Atli Ævar Ingólfsson, verður að öllum líkindum ekki með liðinu fyrr en eftir áramót eftir að hann fór í aðgerð á hné.

Atli hefur ekki leiðið með Selfyssingum undanfarið, en í samtali við vefmiðilinn Handbolti.is satðfesti Atli að hann hefði farið í aðgerð á dögunum þar sem að liðþófi í öðru hnénu var lagaður.

Hann staðfesti einnig að hann muni ekki leika með Selfyssingum fyrr en eftir jól ef allt gengur vel.

Selfyssingar hafa ekki farið eins vel af stað í Olís-deildinni og þeir hefðu vonað. Liðið er hefur unnið einn leik og tapað hinum þrem í fyrstu fjórum umferðum deildarinnar. Liðið er frekar þunnskipað, en margir af þeirra lykilmönnum eru á meiðslalistanum.

Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði.

Olís-deild karla UMF Selfoss

Mest lesið


Fleiri fréttir

Sjá meira


×

Mest lesið