Bein út­­sending: Upp­­bygging í­búða í Reykja­­vík

Á fundinum verður farið yfir uppbyggingu íbúða um alla borg, en sjónum verður einnig beint sérstaklega að mikilvægum uppbyggingarsvæðum og framtíðaráherslum Reykjavíkurborgar. Fundarstjóri er Björg Magnúsdóttir.

Í tilkynningu frá Reykjavíkurborg segir að borgin haldi utan um hvar sé verið að byggja og leiti eftir upplýsingum um hvenær íbúðir verði teknar í notkun til að birta í samantektum sínum.

„Áhugaverðar lykiltölur miðað við 1. október sl. verða kynntar:

• 1.885 - Nýir íbúar á árinu til 1. október
• 2.698 - Íbúðir í byggingu 1. október
• 1.167 - Nýjar íbúðir teknar í notkun á árinu til 1. október

Markmið Græna plansins gerir ráð fyrir 1.000 íbúðum á ári en uppbyggingin í ár er þegar komin fram úr því viðmiði eins og sjá má. Til að setja tölurnar í samhengi þá eru um 57 þúsund íbúðir eða íbúðaeiningar í borginni og fjöldi íbúa nálgast 135 þúsund,“ segir í tilkynningunni.

Hægt er að horfa á fundinn í heild hér að neðan og svo hvert erindi fyrir sig.

Kraftmikil uppbygging íbúða í borginni. Dagur B. Eggertsson, borgarstjóri

Uppbygging í Gufunesi, þorpi skapandi greina. Anna Sigríður Arnardóttir, framkvæmdastjóri | Spilda

Ártúnshöfðinn grænasta hverfi landsins. Ingvi Jónsson, framkvæmdastjóri | Klasi

Nýi Skerjafjörður. Rebekka Guðmundsdóttir, borgarhönnuður

Héðinsreitur. Þorsteinn Ingi Garðarsson, verkefnastjóri | Festir

Kynningarmyndband um grænt húsnæði. Rætt við Hilmar Hildarson, verkefnastjóra alþjóða- og húsnæðismála

Samantekt fundar. Þórdís Lóa Þórhallsdóttir, formaður borgarráðs