Melsungen vann sex marka sigur á Stuttgart þar sem Elvar Örn fór mikinn, lokatölur 29-23. Elvar Örn skoraði fimm mörk í liði Melsungen ásamt því að gefa fjórar stoðsendingar. Enginn leikmaður Melsungen kom að fleiri mörkum.
Arnar Freyr Arnarsson skoraði eitt mark í liði Melsungen og Alexander Petersson gaf tvær stoðsendingar. Hjá Stuttgart var Viggó markahæstur með sjö mörk ásamt því að gefa þrjár stoðsendingar.
Lemgo vann tveggja marka útisigur á Lübbecke, lokatölur 28-26 gestunum í vil. Bjarki Már var markahæstur í liði Lemgo með sex mörk.
Lemgo er nú í 6. sæti með 12 stig, Melsungen í 8. sæti með 10 stig á meðan Stuttgart er í 16. sæti með fjögur stig.
