Origi hetja Liverpool

Divock Origi var hetja Liverpool er liðið vann 1-0 útisigur á Wolves í ensku úrvalsdeildinni í dag.

Besta færi leiksins fékk Diogo Jota eftir glórulaust úthlaup José Sá, markvarðar Wolves. Jota óð með boltann inn í markteig áður en hann gjörsamlega þrumaði honum í Conor Coady sem stóð á marklínunni.

Varamaðurinn Divock Origi fékk hins vegar sendingu frá Mo Salah í blálokin á uppbótartíma leiksins, Origi náði einhvern veginn að snúa þrátt fyrir að fá boltann með bakið í markið og koma knettinum í kjölfarið í netið.

Reyndist þetta eina mark leiksins og Liverpool vinnur því dramatískan 1-0 sigur.