Færri jólatré flutt inn í fyrra og meiri sala á íslenskum trjám

Frá þessu er greint í Bændablaðinu.

Þar segir að danskur norðmannsþinur hafi löngum verið algengasta jólatréð á heimilum Íslendinga en á árunum 2017 til 2019 hafi fjöldi innfluttra norðmannsþina aukist úr 23.700 í 37.100. Á sama tímabili hafi selst 7 til 8 þúsund íslensk jólatré.

Síðustu jól hafi innfluttum trjám hins vegar fækkað í 24.400 en salan á þeim íslensku farið úr 7.200 í 8.100.

„Árið 1993 þá var rauðgrenið vinsælasta íslenska jólatréð okkar en þá var það 64 prósent af sölu íslenskra jólatrjáa. Stafafuran hefur síðan aukið vinsældir sínar jafnt og þétt og er nú vinsælasta íslenskra jólatréð,“ hefur Bændablaðið eftir Þórveigu.

Í fyrra seldust 5.080 stafafurur, 1.164 sitkagreni og 924 rauðgreni.