Ís­lands­banki styttir opnunar­tíma

Um er að ræða styttingu á opnunartíma um eina klukkustund í flestum útibúum. Viðskiptavinum bankans á Egilsstöðum gæti brugðið í brún við breytingarnar en opnunartími útibúsins þar styttist um heilar þrjár klukkustundir. 

Á Reyðarfirði styttist opnunartími um hálftíma en helst óbreyttur á Ísafirði.

Í tilkynningu á vef Íslandsbanka segir að breytingin sé gerð til að veita starfsfólki aukið svigrúm til að afgreiða erindi skjótt í morgunsárið.

„Umfangsmikli þróun rafrænna þjónustulausna á undanförnum misserum samhliða mikilli fækkun heimsókna í útibú hefur orðið til þess að sífellt fleiri kjósa að sinna sínum helstu daglegu bankaviðskiptum í appi eða í netbanka,“ segir í tilkynningunni.

Þá er bent á að ráðgjafaver bankans sé eftir sem áður opið milli 09:00 og 16:00 og að sjallmennið Fróði sé aðgengilegt allan sólarhringinn.