Þetta kemur fram á vef Landspítalans. Frekari upplýsingar koma ekki fram um hinn látna í tilkynningu spítalans. Þórólfur Guðnason sóttvarnalæknir segir hinn látna hafa verið óbólusettan.
39 hafa nú látist vegna Covid-19 hér á landi frá upphafi faraldursins.
Þrjátíu sjúklingar liggja á Landspítala með COVID-19. Meðalaldur inniliggjandi er 56 ár. Átta eru á gjörgæslu, fimm þeirra í öndunarvél.
8.511 sjúklingar eru í COVID göngudeild spítalans, þar af 1.961 barn.
Frá upphafi fjórðu bylgju, 30. júní 2021, hafa verið 285 innlagnir vegna COVID-19 á Landspítala.
