Hefur ekki í hyggju að leggja fram nýtt minnisblað eins og sakir standa Hólmfríður Gísladóttir skrifar 19. janúar 2022 11:41 Vísir/Vilhelm Þórólfur Guðnason sóttvarnalæknir segist að óbreyttu ekki munu skila inn tillögum um nýjar sóttvarnaaðgerðir fyrr en hyllir undir að núgildandi reglugerð falli úr gildi, sem gerist 2. febrúar næstkomandi. Þetta kom fram á upplýsingafundi rétt í þessu. Þórólfur sagðist hins vegar hafa skilað ráðherra tillögum um niðurfellingu á sýnatöku einstaklinga í smitgát. Fundurinn hófst á því að Víðir Reynisson, yfirlögregluþjónn almannavarna, hrósaði stjórnendum og starfsmönnum skóla á öllum stigum fyrir að standa vaktina í faraldrinum. „Vel gert!“ sagði hann ákveðið. Þá sagði hann mikið hafa mætt á foreldrum og margir séð börn samstarfsmanna í fyrsta sinn á fjarfundum á Teams. Þórólfur sagði nokkurn vöxt hafa verið í faraldrinum undanfarna daga og fór yfir tölur dagsins en 1.488 greindust með Covid-19 innanlands í gær. Þá liggja 33 inni með sjúkdóminn, þar af þrír á gjörgæslu. Innlagnir eru nú 0,2 til 0,3 prósent af smitum, sagði sóttvarnalæknir. Ljóst væri að ómíkron-afbrigðið réði lögum og lofum en það greindist nú í um og yfir 90 prósent tilvika. Mælikvarðinn á stöðu faraldursins hingað til hefðu verið innlagnir á sjúkrahús en þeir sem legðust inn núna skipust í þrjá hópa; þá sem legðust inn alvarlega veikir vegna Covid-19, þá sem lægju inni vegna alvarlegra veikinda og smituðust af Covid og þá sem lögðust inn vegna annarra veikinda en greindust með Covid í kjölfarið. Þess ber að geta að allir sem leita á Landspítalann um þessar mundir eru skimaðir fyrir Covid. Aðgerðir ekki bara bundnar við tillögur Þórólfur sagði útbreiddan faraldur valda veikindum hjá starfsmönnum heilbrigðiskerfisins, til dæmis á Landspítalanum. Þá hefði starfsemi ýmissa fyrirtækja farið úr skorðum vegna smita, jafnvel þótt fáir væru að leggjast inn. Mörg börn væru í eftirliti Covid-göngudeildarinnar en þau eru nú 2.995 af 8.290. Fjögur til sex börn mæta í eftirlit á Barnaspítala Hringsins á hverjum degi. Sóttvarnalæknir sagði menn ekki enn farna að sjá árangur af hertum aðgerðum, enda hefði það sýnt sig að það tæki tíma. Áfram mætti gera ráð fyrir um 1.100 smitum á dag. Nokkur spálíkön hefðu verið gerð útfrá mismunandi forsendum en miðað við þúsund smit á dag mætti gera ráð fyrir 54 inniliggjandi við lok mánaðar og miðað við tvöþúsund smit gæti fjöldi inniliggjandi orðið 60. Líkönin þyrfti að taka mátulega alvarlega en þau sýndu að fjöldi smita hefði áhrif á álagið á spítalann. Útlit væri þó fyrir að fjöldi innlagna á gjörgæslu ætlaði að verða minni en gert hafði verið ráð fyrir. Unnið væri að greiningu á stöðu mála á Landspítalanum og víðar. Þórólfur sagði, bæði í erindi sínu og þegar hann svaraði spurningum, að þær aðgerðir sem gripið hefði verið til væru alls konar. Ekki væri bara um að ræða aðgerðir sem kæmu fram í tillögum hans. Þannig væri til að mynda búið að gera breytingar á sýnatöku meðal barna og einfalda sóttkví bólusettra. Þá sagðist hann hafa sent ráðherra tillögur um niðurfellingu á sýnatöku einstaklinga í smitgát. Þórólfur sagðist ekki gera ráð fyrir að leggja fram tillögur um breytingu á sóttvarnaaðgerðum nema skömmu áður en núgildandi reglugerð rynni úr gildi 2. febrúar næstkomandi. Hann sagði hafa borið á því að menn gagnrýndu að hann hefði ekkert samráð nema við sjálfan sig. Taldi hann upp langan lista yfir innlenda og erlenda aðila sem hann leitaði til og sagðist vísa þessum ásökunum beint til föðurhúsanna.
Þetta kom fram á upplýsingafundi rétt í þessu. Þórólfur sagðist hins vegar hafa skilað ráðherra tillögum um niðurfellingu á sýnatöku einstaklinga í smitgát. Fundurinn hófst á því að Víðir Reynisson, yfirlögregluþjónn almannavarna, hrósaði stjórnendum og starfsmönnum skóla á öllum stigum fyrir að standa vaktina í faraldrinum. „Vel gert!“ sagði hann ákveðið. Þá sagði hann mikið hafa mætt á foreldrum og margir séð börn samstarfsmanna í fyrsta sinn á fjarfundum á Teams. Þórólfur sagði nokkurn vöxt hafa verið í faraldrinum undanfarna daga og fór yfir tölur dagsins en 1.488 greindust með Covid-19 innanlands í gær. Þá liggja 33 inni með sjúkdóminn, þar af þrír á gjörgæslu. Innlagnir eru nú 0,2 til 0,3 prósent af smitum, sagði sóttvarnalæknir. Ljóst væri að ómíkron-afbrigðið réði lögum og lofum en það greindist nú í um og yfir 90 prósent tilvika. Mælikvarðinn á stöðu faraldursins hingað til hefðu verið innlagnir á sjúkrahús en þeir sem legðust inn núna skipust í þrjá hópa; þá sem legðust inn alvarlega veikir vegna Covid-19, þá sem lægju inni vegna alvarlegra veikinda og smituðust af Covid og þá sem lögðust inn vegna annarra veikinda en greindust með Covid í kjölfarið. Þess ber að geta að allir sem leita á Landspítalann um þessar mundir eru skimaðir fyrir Covid. Aðgerðir ekki bara bundnar við tillögur Þórólfur sagði útbreiddan faraldur valda veikindum hjá starfsmönnum heilbrigðiskerfisins, til dæmis á Landspítalanum. Þá hefði starfsemi ýmissa fyrirtækja farið úr skorðum vegna smita, jafnvel þótt fáir væru að leggjast inn. Mörg börn væru í eftirliti Covid-göngudeildarinnar en þau eru nú 2.995 af 8.290. Fjögur til sex börn mæta í eftirlit á Barnaspítala Hringsins á hverjum degi. Sóttvarnalæknir sagði menn ekki enn farna að sjá árangur af hertum aðgerðum, enda hefði það sýnt sig að það tæki tíma. Áfram mætti gera ráð fyrir um 1.100 smitum á dag. Nokkur spálíkön hefðu verið gerð útfrá mismunandi forsendum en miðað við þúsund smit á dag mætti gera ráð fyrir 54 inniliggjandi við lok mánaðar og miðað við tvöþúsund smit gæti fjöldi inniliggjandi orðið 60. Líkönin þyrfti að taka mátulega alvarlega en þau sýndu að fjöldi smita hefði áhrif á álagið á spítalann. Útlit væri þó fyrir að fjöldi innlagna á gjörgæslu ætlaði að verða minni en gert hafði verið ráð fyrir. Unnið væri að greiningu á stöðu mála á Landspítalanum og víðar. Þórólfur sagði, bæði í erindi sínu og þegar hann svaraði spurningum, að þær aðgerðir sem gripið hefði verið til væru alls konar. Ekki væri bara um að ræða aðgerðir sem kæmu fram í tillögum hans. Þannig væri til að mynda búið að gera breytingar á sýnatöku meðal barna og einfalda sóttkví bólusettra. Þá sagðist hann hafa sent ráðherra tillögur um niðurfellingu á sýnatöku einstaklinga í smitgát. Þórólfur sagðist ekki gera ráð fyrir að leggja fram tillögur um breytingu á sóttvarnaaðgerðum nema skömmu áður en núgildandi reglugerð rynni úr gildi 2. febrúar næstkomandi. Hann sagði hafa borið á því að menn gagnrýndu að hann hefði ekkert samráð nema við sjálfan sig. Taldi hann upp langan lista yfir innlenda og erlenda aðila sem hann leitaði til og sagðist vísa þessum ásökunum beint til föðurhúsanna.
Faraldur kórónuveiru (COVID-19) Bólusetningar Mest lesið „Ef hann hefði verið einn þá hefði þetta getað farið miklu verr“ Innlent Af hverju er barnið mitt alltaf að segja Skibidi toilet? Innlent „Þegar hægrið fær að ráða ferðinni óheft og án alls taumhalds fer illa“ Innlent Sneri aftur á vettvang banatilræðisins Erlent Mótmælendur hindruðu för lögreglubíls í forgangsakstri Innlent Íslensk flugáhöfn horfði á ljónaárás rétt við hótelið Innlent Fagna löngu tímabærri breytingu Innlent Handtekinn eftir hliðarkeyrslu á talsverðum hraða Innlent Fannst hann þvingaður til að afsala sér hundinum Innlent Vilhjálmur Hjálmarsson kjörinn varaformaður ÖBÍ Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira