Heilsusamlegir smoothies fyrir okkur og jörðina

 Tvær nýjungar eru nú að koma á markað sem innihalda 30% minni ávaxtasykur en aðrir smoothies. Sú minnkun á ávaxtasykri næst meðal annars með því að nota í uppskriftirnar ávexti sem innihalda minni ávaxtasykur frá náttúrunnar hendi. Nýju vörurnar heita Lift up og On Guard og innihalda meðal annars vatnsmelónur, perur, ananas og túrmerik. Þær munu koma í flestar verslanir á næstu dögum.

innocent hefur framleitt safa og smoothies í tvo áratugi úr úrvals hráefni með heilsu- og umhverfissjónarmið að leiðarljósi. Fyrirtækið leggur mikla áherslu á að sýna samfélagslega ábyrgð og hefur frá upphafi gefið 10% af hagnaði sínum til góðgerðarmála og hefur stutt verkefni í þeim löndum þar sem vörur þeirra eru á markaði. Á innocentfoundation.org er hægt að kynna sér verkefni sem að fyrirtækið hefur styrkt en þeirra markmið er að veita styrki til fólks sem býr við fátækt og hungursneyð.

Umhverfismál eru mikilvægur partur af stefnu fyrirtækisins og hefur innocent til að mynda lagt áherslu á að minnka notkun plastefna í umbúðir og beinir öllum viðskiptum sínum að „Fair Traid“ og gæðavottuðum býlum.

Ný og umhverfisvæn verksmiðja innocent rís í Hollandi

Umhverfisstefna innocent er í stöðugri þróun og stefnir innocent á opnun nýrrar verksmiðju sem þau kalla Blandarann eða The blender. Nýja verksmiðjan byggir á grundvallarstefnu innocent sem er að stunda góð viðskipti, fyrir fólkið og fyrir umhverfið.

Sérstaða innocent felst meðal annars í framleiðsluaðferðum en Blandarinn keyrir eingöngu á 100% raforku frá endurnýjanlegum auðlindum, sólarrafhlöðum og vindmyllum, ólíkt flestum matvæla- og drykkjarframleiðendum sem nota gas eða aðra kolefnismikla orkugjafa. Áætlað er að draga úr orkuþörf og endurnýta þá orku, sem notuð er við framleiðsluna eins og mögulegt er. Framkvæmdir við byggingu verksmiðjunnar voru kolefnisjafnaðar og innocent áætlar að verða fyrsta fyrirtækið í heiminum til þess að annast flutninga á hráefnum með umhverfisvænum flutningabílum. Þá verða pípulagnir í verksmiðjunni hreinsaðar að miklu leyti með lofti, sem minnkar vatnsnotkun fyrirtækisins um 75%. Dregið verður úr úrgangi eins og kostur er, meðal annars með endurvinnslu.

Orkustefna fyrirtækisins endurskoðuð frá grunni

Fyrirtækið tók orkustefnu sína í gegn fyrir nýju verksmiðjuna og beindi athyglinni að þremur megin þáttum.

• Hvernig draga mætti úr orkuþörf og endurnýta þá orku sem fellur til við framleiðsluna. Til dæmis verður hitinn frá kælikerfum nýttur til að gerilsneyða drykki.
• Fjárfestingu í endurnýjanlegri orku, meðal annars sólarrafhlöðum og vindmyllum.
• Lágmarka og jafna innbyggt kolefni. Yfir 50% af heildarkolefni verksmiðjunnar liggur í steyptri undirbyggingu og stálgrindarbyggingu og því var sú kolefnislosun sem stafar af efnisvinnslu, efnisframleiðslu, flutningi og uppsetningu á staðnum, minnkuð í gegnum viðhald og efnisförgun.

Tvö hundruð ný störf

Með nýju verksmiðjunni skapast yfir tvö hundruð ný störf í Hollandi. Áhersla er lögð á einstaka vinnustaðamenningu sem byggir á valdeflingu, trausti og samvinnu. Unnið er á vöktum allan sólarhringinn en andrúmsloftið á að vera afslappað, m.a. verður boðið upp á jógatíma. Einnig verður hugað að loftgæðum, hollum mat, hvíldarsvæðum og vatnspóstum og mögulega verður sett upp aðstaða til líkamsræktar á staðnum.

Gegnsæi til góðs fyrir alla

Blandarinn á að vera skínandi dæmi um sjálfbæra verksmiðju sem verði öðrum fyrirmynd. Upplýsingar um tæknina sem notuð verður, bæði það sem tekst vel og það sem mistekst, verða aðgengilegar öllum, einnig samkeppnisaðilum því markmið innocent er að nýta krafta fyrirtækisins til góðs fyrir mannkynið og jörðina.