Það á ekki að vera tabú að ræða breytingaskeiðið

Breytingaskeiðið er eðlilegur hluti af lífsskeiði kvenna og eitthvað sem allar konur ganga í gegnum, hins vegar er afar einstaklingsbundið hvernig konur upplifa tilteknar breytingar. Sumar konur upplifa frelsi og fagna þessum tímamótum og því að vera komin á þann stað í lífinu að búa yfir meiri sjálfsþekkingu, visku og þroska. Hins vegar eru sumar hverjar sem kvíða þessum breytingum og þeim líkamlegu og andlegu einkennum sem geta fylgt í kjölfarið.

Breytingaskeið kvenna

Flestar konur finna fyrir því þegar hormónabreytingar hefjast, þó svo að þær geri sér ekki alltaf grein fyrir því að um upphaf breytingaskeiðs sé að ræða. Á meðan sumar konur fara létt í gegnum þetta tímabil eru aðrar konur sem upplifa töluvert skert lífsæði. Einkenni hormónabreytinga geta verið afar mismunandi á milli kvenna en algengustu einkenni sem konur upplifa eru hitakóf, nætursviti, þreyta, svefnleysi, pirringur og depurð.

„Einkenni breytingaskeiðsins eru eins mismunandi og við konur eru margar og því er mikilvægt að við tölum saman og leitum leiða sem gagnast hverri einstakri konu. Vellíðan og góð heilsa eru sönn lífsgæði,‘‘

 segir Laufey Steindórsdóttir hjúkrunarfræðingur.

Að vera kona er pínu flókið

Laufey Steindórsdóttir hefur upplifað breytingaskeiðið með ýmsum kvillum og deilir hér með okkur sinni reynslu.

,,Í gegnum mitt lífsskeið hef ég áttað mig á því að hormón stýra mínu tilfinningalífi að miklu leyti en mun meira en ég kæri mig um. Þegar ég var 43 ára varð ég skyndilega stygg, stíf, varnarlaus og vonlaus en það var eitthvað sem breyttist,“ segir Laufey sem síðar meir leitaði til kvensjúkdómalæknis með sín einkenni.

,,Ég fékk staðfest með blóðprufu hjá mínum kvensjúkdómalækni að sjálft breytingaskeiðið væri hafið. Ég verð að viðurkenna að ég vissi nánast ekkert um þetta dularfulla skeið. Engin í mínu nærumhverfi hafði rætt um breytingarskeiðið og ég sem starfandi hjúkrunarfræðingur hafði ekkert kynnt mér efnið. Þá hófst heimildaleit og sjálf leitin að lausnum til að bæta mína líðan en ég gat ekki hugsað mér að tapa lífsneistanum á besta aldri en þannig leið mér. Svefnlausar nætur með hitakófi og svitaköstum, sveiflur í skapi og pirringur var daglegt brauð og svo gerðist það sem ég ætlaði varla að trúa, ég fór að missa hárið. Fallega, þykka hárið mitt sem hafði verið mitt stolt bara hrundi af í óþægilega miklu magni sem mér þótti verulega sárt. 

„Að vera kona er pínu flókið að mínu mati en jafnframt fannst mér tekinn frá mér hinn sanni lífsneisti sem var kynhvötin, hún hreinlega gufaði upp.‘‘

Tölum saman og leitum leiða að bættri heilsu og líðan

,,Fyrir sumar konur getur verið nóg að fara náttúrulegar leiðir til að slá á einkenni og aðrar byrja á hormónum. Þegar mér leið sem verst var minn bjargvættur náttúru bætiefnið Femarelle sem systir mín hvatti mig til að prófa. Eftir rúma tveggja vikna inntöku var ég farin að finna mun á svefngæðum því hitakófin nánast hættu. Ég tók Femarelle í heilt ár og er mjög ánægð með þann ávinning sem af þeim hlaust. Í dag er ég byrjuð á hormónum en get svo sannarlega mælt með Femarelle sem náttúrulegri lausn við vægari einkennum breytingaskeiðsins. Það er löngu tímabært að samfélagið leggi blessun sína yfir upplýsta og opinskáa umræðu um þetta margbreytilega skeið í lífi kvenna. Tölum saman og leitum leiða að bættri heilsu og líðan,‘‘ segir Laufey sem vill gera breytingaskeiðið að eðlilegu umræðuefni og fá almenning til að gera sér grein fyrir því sem fylgir þessu skeiði.

Byggt á rannsóknum

Femarelle hefur notið mikilla vinsælda hjá konum allt frá 35 ára aldri en ekki er það að ástæðalausu. Femarelle er náttúruleg lausn en vörurnar eru hannaðar fyrir konur á mismunandi stigum tíðarhvarfa sem hefjast yfirleitt upp úr þrítugu þó svo að einkenna verði ekki vart strax. Femarelle vörurnar eru byggðar á rannsóknum leiðandi kvensjúkdómalækna og þær slegið á fjölmörg einkenni sem tengja má hormónabreytingum. Vörurnar innihalda sérstakt efnasamband sem kallast DT56a en það er unnið úr óerfðabreyttu soya sem hefur það að markmiði að slá á einkenni, ásamt hörfræi og B vítamín blöndu sem stuðlar að því að halda reglu á hormónastarfseminni. Femarelle Unstoppable inniheldur að auki D-vítamín sem er mikilvægt gegn beinþynningu þegar árin færast yfir.

Femarelle á breytingaskeiðinu

Femarelle bætiefnin eru hormónalaus lausn gegn einkennum breytingarskeiðs og eru hönnuð fyrir konur á mismunandi stigum tíðarhvarfa. Femarelle er fáanlegt í þremur tegundum sem hafa það sameiginlegt að innihalda DT56a ásamt vítamín og bætiefnum sem hentar fyrir 40+, 50+ og 60 ára og eldri eins og umbúðirnar gefa til kynna.