Grindavík
Haukar
Fyrirsætan Hlín Björnsdóttir gekk tískupallana hjá Andreas Kronthaler fyrir Vivienne Westwood um helgina. Hún var umvafin stórskotaliði tískuheimsins en ásamt henni sýndu meðal annars Gigi Hadid, Bella Hadid og Lindsey Wixson.
Hlín hefur verið að gera stóra og flotta hluti í tískuheiminum síðustu ár en í dag býr hún og starfar í París. Sýningin hjá Andreas Kronthaler var haldin í La Nouvelle Eve en tískuvikan í París er í fullum gangi.
Á tískuvikunni þetta árið hefur Hlín einnig verið að sýna fyrir merkið Koché. Það fer ekkert á milli mála að hún er á hraðri uppleið í tískuheiminum og verður spennandi að fylgjast með því hvert ferillinn leiðir hana.
Kendall Jenner gekk tískupallana í New York.
Fyrirsætan Kolfinna Kristófersdóttir var heldur betur iðin við kolann á nýafstaðinni tískuviku í London en hún gekk tískupallana fyrir sex hönnuði. Þeir hönnuðir sem föluðust eftir kröftum Kolfinnu voru Topshop Unique, House of Holland, Jonathan Saunders, Acne, Christopher Kane og Giles. Kolfinna, sem er á mála hjá Eskimo fyrirsætuskrifstofunni, er nú flogin á vit ævintýranna í Mílanó og París þar sem hún mun eflaust láta til sín taka á tískupöllunum en hún er vinsælt andlit í tískuheiminum í dag.
