Enski boltinn

Nottingham For­est mætir Liver­pool í átta liða úr­slitum FA bikarsins

Runólfur Trausti Þórhallsson skrifar
Ryan Yates fagnar því sem reyndist vera sigurmark Nottingham Forest.
Ryan Yates fagnar því sem reyndist vera sigurmark Nottingham Forest. Nick Potts/Getty Images

Nottingham Forest varð í kvöld síðasta liðið til að tryggja sér sæti í 8-liða FA bikarsins á Englandi er liðið vann 2-1 sigur á Huddersfield Town. Bæði liðin leika í B-deildinni.

Tom Lees kom Huddersfield yfir á 13. mínútu leiksins en Sam Surridge jafnaði metin þegar tæpur hálftími var liðinni og Ryan Yates kom Forest yfir áður en fyrri hálfleik lauk. Staðan 2-1 og þannig var hún er liðin gengu til búningsherbergja.

Leikmenn Huddersfield reyndu hvað þeir gátu til að jafna metin en allt kom fyrir ekki og Forest er komið í 8-liða úrslit þar sem þeir mæta stórliði Liverpool. Leikurinn fer fram þann 19. mars næstkomandi.

Átta liða úrslit FA bikarsins

Crystal Palace – Everton

Middlesbrough – Chelsea

Southampton – Manchester City

Nottingham Forest - Liverpool

Enska bikarkeppnin, FA Cup, er á Stöð 2 Sport en upplýsingar um útsendingar má finna hér. FA Cup er hluti af Stöð 2 Sport erlent sem kostar 3.990 krónur á mánuði.

Fótbolti Enski boltinn

Mest lesið


Fleiri fréttir

Sjá meira


×

Mest lesið