Náttúruleg leið að betri húð, heilsu og vellíðan

„Algengustu kvillar sem fólk nefnir við okkur eru bólgur og verkir, svefnvandamál og kvíði en flóran er miklu meiri. Árangurinn fer ekkert á milli mála. Eins er stór hópur fólks þarna úti sem er undir miklu álagi bæði í vinnu og námi, líkamlegu og andlegu álagi sem nýtir sér vörurnar okkar með góðum árangri. Á Íslandi eru enn reglur sem kveða á um að cbd vörur séu vottaðar og seldar sem snyrtivörur. Þessum reglum fylgjum við í einu og öllu. Mikil umræða undanfarin ár gefur þó góða von um að þessu verði breytt og almenn sala sem fæðubót verði leyfð fyrr en síðar,“ segir Arnþór. Hann hefur sjálfur góða reynslu af notkun cbd olíu.

„Ég lenti ungur í bílslysi og hafði svefn ekki verið sem bestur síðan þá vegna verkja í baki. Ég hafði litla trú á svona hlutum og kallaði þetta „snákaolíu“ þegar fólk nefndi cbd við mig. Þegar ég þurfti svo í aðgerð á öxl nýlega var mér gefið eitt glas af cbd olíu, á tveimur vikum var ég verkjalyfjalaus og farinn að sofa eins og engill. Ég hef notað hana stöðugt eftir þetta og hafa lífsgæðin aukist til muna. “ segir Arnþór. Karlotta hafi í kjölfarið ákveðið að prófa en hún hafði greinst með sjaldgæft risafrumuæxli í beini við úlnlið sem olli miklum taugaverkjum.

„Það er líka mikið áfall að fá slíka greiningu og vegna mikillar óvissu um bata þróaði hún með sér mikinn kvíða. Ég horfði hins vegar á hana brjótast út úr sinni vanlíðan á þremur mánuðum með notkun olíunnar og þá var ekki aftur snúið. Við hreinlega settum aleiguna í að stofna fyrirtækið. CBD Reykjavík er byggt frá grunni af okkur, af hugsjón,“ segir Arnþór.

Mikill léttir að losna undan áralangri vanlíðan

Fyrirtækið hóf starfsemi síðasta sumar. Lífræn framleiðslan fer fram í Evrópu og fylgja Arnþór og Karlotta ferlinu eftir frá akri ofan í glas. Vörurnar eru síðan rannsakaðar af þriðja aðila í Bretlandi þar sem innihald er staðfest og vottað. Viðtökurnar við CBD Reykjavík létu ekki á sér standa. Skilaboðum frá ánægðum viðskiptavinum rignir yfir Arnþór og Karlottu.

„Maður verður klökkur yfir þessum reynslusögum, þetta hjálpar ekki öllum en svo ótrúlega mörgum. Það er svo mikill léttir fyrir fólk að losna við vanlíðan sem hefur kannski varað í mörg ár,“ segir Arnþór.

Snyrtivörur, olía og vöðvakrem

Vörulína CBD Reykjavík samanstendur af cbd olíu, andlitskremi, líkamskremi og vöðva- og liðakremi.

• Andlitskremið vinnur gegn fínum línum, eykur teygjanleika húðarinnar og hjálpar til við að vinna gegn bólum. Þá hefur kremið reynst afar vel við exemi, psoriasis og þurrki.
• Líkamskremið hefur marga af sömu kostum andlitkremsins en er meira ætlað gegn m.a. þurrki, exzemi og psoriasis
• Vöðva- og liðakremið virkar vel fyrir endurheimt og er gott að bera á liði og vöðva bæði fyrir og eftir átök. Kremið er einnig verkjastillandi við gigtarverkjum og vöðvabólgu.
• Cbd-olían er vinsælasta varan en hún fæst í þremur styrkleikum og bæði með sítrónu og myntu. Þá bjóðum við einnig sportolíu fyrir íþróttafólk sem æfir mikið.