Titilvörn Max Verstappen í Formúlu 1 hefst í dag

Fyrsta áskorunin fyrir Magnussen og félaga hans verður kappaksturinn í Barein, þar sem Daninn náði fimmta sæti með með góðum akstri árið 2018. Magnussen náði hraðasta hringnum á síðasta prufudeginum í síðustu viku og það er enginn vafi á því að fyrsti kappaksturinn á tímabilinu verður áhugaverður.

Lewis Hamilton og Max Verstappen háðu dramatíska titilbaráttu á síðasta ári, sem endaði með sigri Hollendingsins. Það verður örugglega enginn afsláttur af dramatíkinni þetta árið, eftir því sem keppnistímabilinu vindur fram.

Upphitunin hófst vikunni með frumsýningu ‘Verstappen – Master of the Track’, á Viaplay þar sem áhorfendur fá að skyggnast bakvið tjöldin og fylgjast með Max Verstappen greina allar Formúlu 1 brautirnar 22 með einstökum hætti.

Viaplay hefur fengið að sérlega góðan aðgang að Verstappen og fylgst með honum æfa í kappakstursherminum. Áhorfendur fá nú að njóta afraksturs þess í Viaplay-þáttaröðinni ‘Verstappen – Master of the Track’. Þar leiðir Verstappen áhorfendur í gegnum hverja beygju, mishæð og miserfiðar áskoranir á öllum keppnisbrautunum.

„Það var mjög gaman að fara í gegnum brautirnar í herminum í höfuðstöðvum Redline-liðsins. Með því að fylgjast mér keyra í gegnum hverja braut geta áhorfendur lært meira um brautirnar og verið betur undirbúnir fyrir keppnishelgina,“ sagði Verstappen.