Notuðu falsaðan dollaraseðil frá Íslandsbanka í Flórída Jakob Bjarnar skrifar 1. apríl 2022 07:01 Pétur Sigurðsson fasteignasali í Flórída hefur heldur betur magnaða sögu að segja af íslenskum hjónum sem fengu seðlabúnt frá Íslandsbanka hvar í leyndist falsaður seðill sem svo hjónin í sakleysi sínu notuðu til greiðslu í Bandaríkjunum. aðsend Íslensk hjón sluppu með skrekkinn en þau notuðu falsaðan seðil sem greiðslu úti í Flórída. Íslensk hjón, sem nú eru stödd í Ventura sem er í grennd við Orlando í Flórída, sluppu naumlega fyrir horn. Þau dvelja um þessar mundir í vöktuðu hverfi og notuðu grandalaus hundrað dollara seðil til að greiða með fyrir morgunverð þar og svo strikamerki á bíl sinn, til að komast með hægum hætti í gegnum öryggishlið inn í hverfið. Í Bandaríkjunum telst það til alvarlegra brota að nota falsaða seðla en fyrir tilviljun sluppu þau með það. Þau fullyrða að seðilinn hafi þau fengið hjá Íslandsbanka. Pétur nær að kaupa hinn falsaða seðil Pétur Sigurðsson fasteignasali er búsettur á svæðinu og honum tókst að bjarga málum. „Málið er að í Ventura, þar sem ég bý er mikið af Íslendingum. Þeir koma hingað mikið í frí. Ef einhvern vanda ber að höndum þá er gjarnan leitað til mín. Og Gariella Ramos, sem er einskonar bæjarstjóri hér, hringdi í mig og spyr hvort ég þekki leigjendur, Íslendinga, sem eru í tiltekinni íbúð. Ég hélt það nú. Þetta er bróðir eins besta vinar míns á Íslandi. Hef þekkt hann frá 15 ára aldri,“ segir Pétur í samtali við Vísi. Gariella tjáir þá Pétri alvarleg í bragði að þau hjónin hafi notað falsaðan seðil til að greiða fyrir áðurnefnda þjónustu. „Ég náttúrlega, með það sama, hringi í þennan vin minn og spyr hann hvar hann hafi fengið þennan seðil? Og hann segir Íslandsbanka! Ég hljóp yfir á bæjarskrifstofurnar og keypti af Gabriellu seðilinn. Rétti henni löggildan seðil fyrir.“ Seðillinn falsaði líklega úr útibúinu á Ártúnshöfða Hinn ónefndi vinur hans ferðalangurinn kom þá til Péturs sem bauð honum að kaupa seðilinn af sér til baka. Ekkert fer á milli mála að um falsaðan seðil er að ræða, merktur „movie prop use only“. „En hann var samt í búnti frá Íslandsbanka,“ segir Pétur. Vinur hans hefur haft þann hátt á frá í hruni að hafa borð fyrir báru og kaupa sér gjaldeyri og geyma í peningaskáp. Hafa svo með sér reiðufé eftir þörfum á ferðalögum. Maðurinn telur næsta víst að téðan seðil hafi hann keypt á sínum tíma í útibúi Íslandsbanka á Ártúnshöfða fyrir tveimur árum, eða rétt áður en útibúinu því var lokað. „Hann var heppinn að nota þennan seðil hér í hverfinu þar sem þeir þekkja vel til Íslendinga og vilja halda góðum samskiptum við okkur. Þess vegna hringdi Gabriella í mig. En ekki í The US Secret Service eins og henni bar að gera lögum samkvæmt; verndara gjaldmiðilsins,“ segir Pétur. Brá illilega í brún Pétur lýsir því að vitaskuld megi fólk eiga slíka gerviseðla en um leið og menn vilja fara að nota slíkt í verslun og viðskiptum kárnar gamanið. Pétur segir að hjónin hafi í fyrstu farið í mikið uppnám, spurðu hvort þau yrðu handtekin eða rekin úr landi? En málinu lauk þar og þá. Hvað bandarísk yfirvöld varðar. Nú geta þau hlegið að málinu, sloppin með skrekkinn að sögn Péturs sem flutti út til Flórída 15. júní 1998 og lenti klukkan átta. Hefur verið þar síðan og unir vel sínum hag. „Hér er gott að vera.“ Vísi tókst ekki að ná í upplýsingafulltrúa Íslandsbanka til að grennslast nánar fyrir um það hvernig þetta megi vera? Íslendingar erlendis Bandaríkin Íslenskir bankar Mest lesið Sagt að njóta ótruflaðrar ástar í Venesúela Innlent Grunaður um að hafa brotið á fleiri en tíu börnum Innlent Látinn fara eftir að hafa neitað Trump um sverð í eigu Eisenhower Erlent Fólk að bugast þar til hætt var að manna vaktir á föstudögum Innlent „Mér finnst þeir vera að taka frá mér lífið“ Innlent Óljóst hvort Kínverjarnir geti sótt vélina sína Innlent Segist breyttur maður og biðlar til dómarans Erlent Bein útsending: Siglt áleiðis til Gasa Erlent Hamas liðar vilja ekki afvopnast Erlent Snorri etur kappi við Bergþór og Ingibjörgu Innlent Fleiri fréttir Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Bugun þar til farið var í fasta fáliðun á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Ingibjörg tekur slaginn við Bergþór Skjálftahrina við Krýsuvík og Kleifarvatn Sagt að njóta ótruflaðrar ástar í Venesúela Bergþór vill verða varaformaður Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Sjá meira
Íslensk hjón, sem nú eru stödd í Ventura sem er í grennd við Orlando í Flórída, sluppu naumlega fyrir horn. Þau dvelja um þessar mundir í vöktuðu hverfi og notuðu grandalaus hundrað dollara seðil til að greiða með fyrir morgunverð þar og svo strikamerki á bíl sinn, til að komast með hægum hætti í gegnum öryggishlið inn í hverfið. Í Bandaríkjunum telst það til alvarlegra brota að nota falsaða seðla en fyrir tilviljun sluppu þau með það. Þau fullyrða að seðilinn hafi þau fengið hjá Íslandsbanka. Pétur nær að kaupa hinn falsaða seðil Pétur Sigurðsson fasteignasali er búsettur á svæðinu og honum tókst að bjarga málum. „Málið er að í Ventura, þar sem ég bý er mikið af Íslendingum. Þeir koma hingað mikið í frí. Ef einhvern vanda ber að höndum þá er gjarnan leitað til mín. Og Gariella Ramos, sem er einskonar bæjarstjóri hér, hringdi í mig og spyr hvort ég þekki leigjendur, Íslendinga, sem eru í tiltekinni íbúð. Ég hélt það nú. Þetta er bróðir eins besta vinar míns á Íslandi. Hef þekkt hann frá 15 ára aldri,“ segir Pétur í samtali við Vísi. Gariella tjáir þá Pétri alvarleg í bragði að þau hjónin hafi notað falsaðan seðil til að greiða fyrir áðurnefnda þjónustu. „Ég náttúrlega, með það sama, hringi í þennan vin minn og spyr hann hvar hann hafi fengið þennan seðil? Og hann segir Íslandsbanka! Ég hljóp yfir á bæjarskrifstofurnar og keypti af Gabriellu seðilinn. Rétti henni löggildan seðil fyrir.“ Seðillinn falsaði líklega úr útibúinu á Ártúnshöfða Hinn ónefndi vinur hans ferðalangurinn kom þá til Péturs sem bauð honum að kaupa seðilinn af sér til baka. Ekkert fer á milli mála að um falsaðan seðil er að ræða, merktur „movie prop use only“. „En hann var samt í búnti frá Íslandsbanka,“ segir Pétur. Vinur hans hefur haft þann hátt á frá í hruni að hafa borð fyrir báru og kaupa sér gjaldeyri og geyma í peningaskáp. Hafa svo með sér reiðufé eftir þörfum á ferðalögum. Maðurinn telur næsta víst að téðan seðil hafi hann keypt á sínum tíma í útibúi Íslandsbanka á Ártúnshöfða fyrir tveimur árum, eða rétt áður en útibúinu því var lokað. „Hann var heppinn að nota þennan seðil hér í hverfinu þar sem þeir þekkja vel til Íslendinga og vilja halda góðum samskiptum við okkur. Þess vegna hringdi Gabriella í mig. En ekki í The US Secret Service eins og henni bar að gera lögum samkvæmt; verndara gjaldmiðilsins,“ segir Pétur. Brá illilega í brún Pétur lýsir því að vitaskuld megi fólk eiga slíka gerviseðla en um leið og menn vilja fara að nota slíkt í verslun og viðskiptum kárnar gamanið. Pétur segir að hjónin hafi í fyrstu farið í mikið uppnám, spurðu hvort þau yrðu handtekin eða rekin úr landi? En málinu lauk þar og þá. Hvað bandarísk yfirvöld varðar. Nú geta þau hlegið að málinu, sloppin með skrekkinn að sögn Péturs sem flutti út til Flórída 15. júní 1998 og lenti klukkan átta. Hefur verið þar síðan og unir vel sínum hag. „Hér er gott að vera.“ Vísi tókst ekki að ná í upplýsingafulltrúa Íslandsbanka til að grennslast nánar fyrir um það hvernig þetta megi vera?
Íslendingar erlendis Bandaríkin Íslenskir bankar Mest lesið Sagt að njóta ótruflaðrar ástar í Venesúela Innlent Grunaður um að hafa brotið á fleiri en tíu börnum Innlent Látinn fara eftir að hafa neitað Trump um sverð í eigu Eisenhower Erlent Fólk að bugast þar til hætt var að manna vaktir á föstudögum Innlent „Mér finnst þeir vera að taka frá mér lífið“ Innlent Óljóst hvort Kínverjarnir geti sótt vélina sína Innlent Segist breyttur maður og biðlar til dómarans Erlent Bein útsending: Siglt áleiðis til Gasa Erlent Hamas liðar vilja ekki afvopnast Erlent Snorri etur kappi við Bergþór og Ingibjörgu Innlent Fleiri fréttir Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Bugun þar til farið var í fasta fáliðun á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Ingibjörg tekur slaginn við Bergþór Skjálftahrina við Krýsuvík og Kleifarvatn Sagt að njóta ótruflaðrar ástar í Venesúela Bergþór vill verða varaformaður Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Sjá meira
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu