Ísfirðingar reyna að lifa af í 41 stigs hita Eiður Þór Árnason skrifar 29. apríl 2022 09:31 Haukur S. Magnússon, Shayan Pandole og Arún Magnús Hauksson reyna að láta óbærilegan hitann ekki koma í veg fyrir að þau njóti sín í fríinu. Aðsend/Getty Allt að 41 stigs hiti í dag, 39 stig á laugardag og 38 á sunnudag. Svona hljómar veðurspáin fyrir borgina Pune á Indlandi þar sem Ísfirðingurinn Haukur Magnússon er staddur ásamt fjölskyldu sinni. Skæð hitabylgja gengur nú yfir Indland og ekkert útlit fyrir að það kólni neitt að ráði næstu vikuna. Haukur hefur verið á Indlandi í átta daga ásamt eiginkonu sinni Shayan Pandole og fjórtán mánaða syni þeirra en fjölskyldan er búsett á Ísafirði. Shayan er ættuð frá Indlandi og dvelur fjölskyldan hjá föður hennar og konu þar sem þau reyna að taka því rólega og bíða eftir rigningu. Hitinn náði 41 stigi í Pune í gær og því spáð að hann verði á svipuðum slóðum næstu daga. Gert er ráð fyrir að hiti fari yfir 44 gráður í borginni Delí í þessari viku en á þriðjudag mældist 45,1 gráða í indverska borginni Barmer. Þá hefur Haukur heyrt af því að hiti hafi farið yfir 50 stig í nágrannaríkinu Pakistan. „Yfirleitt er heitt hérna á þessum árstíma, þetta er rétt fyrir monsún rigningarnar sem koma í júní og þá kólnar duglega en þetta þykir nú fullmikið af því góða,“ segir Haukur í samtali við Vísi. Eins og að búa í gufubaði Hann segir ástandið vera svakalegt og þau sem eigi þess möguleika haldi sig yfirleitt innandyra frá hádegi til sex á kvöldin á meðan hitinn er hvað mestur. Fjölskyldan vakni snemma á morgnana og verji tíma út í garði áður en þau færi sig inn upp úr hádegi. Svo sé tekinn síðdegislúr að indverskum sið. „Þetta er pínu eins og að búa í gufubaði en það er sem betur fer er ekki mjög rakt hérna,“ segir Haukur. Á kvöldin taki fólk svo við sér og borði kvöldmat um átta eða níuleytið. „Þú ert ekki til mikilla stórvirkja, þú ert svolítið að sitja og spjalla og það eru alls konar garðar hérna sem gaman er að skoða,“ segir Haukur. Sumir íbúar séu með loftkæld svefnherbergi og verji meira og minna öllum deginum þar inni. Haukur bætir við að innfæddir barmi sér lítið en hafi mikla samkennd með þeim sem búi ekki jafn vel að geta kælt sig niður alla daga. Gríðarleg misskipting er í Indlandi og vel þekkt að veðuröfgar á borð við þessar bitna mest á þeim sem búa við fátækt. Veðurspáin næstu daga fyrir borgina Pune þar sem Haukur og fjölskylda dvelja.AÐsend Kælir barnið niður með slöngu „Ég fer með drenginn út tvisvar á dag í garð og sprauta á hann með garðslöngu til að kæla hann niður eins og maður gerir með hunda, og hann er ægilega kátur með það. Svo er maður sjálfur að reyna að háma í sig ísmola,“ segir Haukur. Tengdafaðir hans sé ágætlega vel settur og það séu mikil viðbrigði að vera inni á heimili þar sem starfi þjónustufólk. „Þannig að þú gengur ekkert í ísskápinn til að fá þér, þú verður að biðja um vatnsglas. Maður er svo feiminn við það að skipa fólki fyrir allan daginn svo ég er örugglega að drekka aðeins minna vatn en ég ætti að vera að gera,“ segir Haukur léttur í bragði. Enginn vafi sé á því að mikill aðstöðumunur sé hjá Indverjum og dæmi um að fólk hafi verið að deyja úr hita. „Mér er sagt að það sé enginn afsláttur gefinn þar sem menn eru við vegavinnu eða jafnvel að brjóta grjót. Það er bara svipan á þeim sama hvað klukkan slær og hvað sólin er hátt á lofti, þannig að þetta er alvarlegt mál.“ Akshala hjálpar hinum fjórtán mánaða Arún að kæla sig niður.Aðsend Rigni minna núna en fyrir nokkrum áratugum Haukur hefur eftir tengdapabba sínum að það hafi oft verið heitt á þessum tíma en munurinn liggi í því að fyrir tuttugu til þrjátíu árum hafi alltaf komið skúrir á tveggja daga fresti. Nú sé það liðin tíð og bíða þurfi eftir að monsúnið komi. Þrátt fyrir þetta lét stuttur hitaskúr loks sjá sig fyrir tveimur dögum. „Það dembir yfir vatninu í tíu mínútur og það var svo merkilegt hvað það kólnaði það allt, það var eins og umhverfið, fólkið og dýrin hafi látið frá sér sameiginlegt andvarp,“ segir Haukur. Fjölskyldan verður í Pune fram á mánudag og verja svo síðustu fimm dögunum í Mumbaí áður en hún yfirgefur Indland. Haukur segir óljóst hvort sami tími ársins verði fyrir valinu í næstu ferð þeirra til landsins. „Við komum kannski um vetur næst þegar það verður hægt að skoða meira.“ Indland Veður Íslendingar erlendis Loftslagsmál Tengdar fréttir Skæð hitabylgja setur líf Indverja úr skorðum Skæð hitabylgja hefur sett daglegt líf milljóna Indverja úr skorðum og er von á því að hún nái hápunkti á allra næstu dögum. Narendra Modi, forsætisráðherra Indlands, segir að hitastig fari nú hratt hækkandi víða um land og hitabylgjan sé fyrr á ferðinni en í venjulegu árferði. 28. apríl 2022 13:56 Mest lesið Munu ekki láta af herferð vegna launaþjófnaðarins Innlent Munu hlýða kröfu landsfundar verði tillaga um stjórnarslit samþykkt Innlent Ákveðinn hópur hafi unnið að niðurstöðunni undir yfirborðinu Innlent Orlof húsmæðra: Barn síns tíma eða liður í jafnrétti? Innlent Kertavaka til minningar um konur sem hafa dáið vegna kynbundins ofbeldis Innlent Loksins mega hommar gefa blóð Innlent Segir valsað um sjúkraskrána eins og á rölti um Kringluna Innlent Fimm bíla árekstur á Vesturlandsvegi Innlent Vill hætta við nýja brú yfir Ölfusá og spara milljarða króna Innlent „Öllum ljóst að Ölfusárbrú verði að rísa“ Innlent Fleiri fréttir Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Hringmyrkvi sýnilegur yfir syðsta oddi Suður-Ameríku Fyrsta heimsókn Rutte til Úkraínu Íhuga árásir á olíuvinnslur og kjarnorkustöðvar í Íran Nýnasisti sagðist ekki hafa stungið börn vegna rasisma Rússar reyndu að skjóta niður ísraelskar stýriflaugar Slökkva á tækjum næstvíðförlasta geimfarsins til að lengja líf þess Lét sér fátt um finnast að Pence væri í hættu Forsetinn neitar að undirrita lög gegn hinsegin fólki Tekur einarða afstöðu með þungunarrofi og sjálfræði kvenna Læknir játar sök í tengslum við dauða Matthew Perry Starfsfólk farið að þjást af „laxaastma“ Fimm látnir í Beirút eftir loftárás á heilsugæslu Maðurinn á bak við Tripp Trapp-stólinn látinn Verulegar líkur á að stórt stríð brjótist út í Miðausturlöndum Þrír ungir Svíar handteknir vegna sprenginganna í Kaupmannahöfn Watson skal áfram sæta gæsluvarðhaldi Bann gegn betli á teikniborði Svía Bera hefndaraðgerðir undir Bandaríkin Sprengingar við ísraelska sendiráðið í Kaupmannahöfn Sjá meira
Haukur hefur verið á Indlandi í átta daga ásamt eiginkonu sinni Shayan Pandole og fjórtán mánaða syni þeirra en fjölskyldan er búsett á Ísafirði. Shayan er ættuð frá Indlandi og dvelur fjölskyldan hjá föður hennar og konu þar sem þau reyna að taka því rólega og bíða eftir rigningu. Hitinn náði 41 stigi í Pune í gær og því spáð að hann verði á svipuðum slóðum næstu daga. Gert er ráð fyrir að hiti fari yfir 44 gráður í borginni Delí í þessari viku en á þriðjudag mældist 45,1 gráða í indverska borginni Barmer. Þá hefur Haukur heyrt af því að hiti hafi farið yfir 50 stig í nágrannaríkinu Pakistan. „Yfirleitt er heitt hérna á þessum árstíma, þetta er rétt fyrir monsún rigningarnar sem koma í júní og þá kólnar duglega en þetta þykir nú fullmikið af því góða,“ segir Haukur í samtali við Vísi. Eins og að búa í gufubaði Hann segir ástandið vera svakalegt og þau sem eigi þess möguleika haldi sig yfirleitt innandyra frá hádegi til sex á kvöldin á meðan hitinn er hvað mestur. Fjölskyldan vakni snemma á morgnana og verji tíma út í garði áður en þau færi sig inn upp úr hádegi. Svo sé tekinn síðdegislúr að indverskum sið. „Þetta er pínu eins og að búa í gufubaði en það er sem betur fer er ekki mjög rakt hérna,“ segir Haukur. Á kvöldin taki fólk svo við sér og borði kvöldmat um átta eða níuleytið. „Þú ert ekki til mikilla stórvirkja, þú ert svolítið að sitja og spjalla og það eru alls konar garðar hérna sem gaman er að skoða,“ segir Haukur. Sumir íbúar séu með loftkæld svefnherbergi og verji meira og minna öllum deginum þar inni. Haukur bætir við að innfæddir barmi sér lítið en hafi mikla samkennd með þeim sem búi ekki jafn vel að geta kælt sig niður alla daga. Gríðarleg misskipting er í Indlandi og vel þekkt að veðuröfgar á borð við þessar bitna mest á þeim sem búa við fátækt. Veðurspáin næstu daga fyrir borgina Pune þar sem Haukur og fjölskylda dvelja.AÐsend Kælir barnið niður með slöngu „Ég fer með drenginn út tvisvar á dag í garð og sprauta á hann með garðslöngu til að kæla hann niður eins og maður gerir með hunda, og hann er ægilega kátur með það. Svo er maður sjálfur að reyna að háma í sig ísmola,“ segir Haukur. Tengdafaðir hans sé ágætlega vel settur og það séu mikil viðbrigði að vera inni á heimili þar sem starfi þjónustufólk. „Þannig að þú gengur ekkert í ísskápinn til að fá þér, þú verður að biðja um vatnsglas. Maður er svo feiminn við það að skipa fólki fyrir allan daginn svo ég er örugglega að drekka aðeins minna vatn en ég ætti að vera að gera,“ segir Haukur léttur í bragði. Enginn vafi sé á því að mikill aðstöðumunur sé hjá Indverjum og dæmi um að fólk hafi verið að deyja úr hita. „Mér er sagt að það sé enginn afsláttur gefinn þar sem menn eru við vegavinnu eða jafnvel að brjóta grjót. Það er bara svipan á þeim sama hvað klukkan slær og hvað sólin er hátt á lofti, þannig að þetta er alvarlegt mál.“ Akshala hjálpar hinum fjórtán mánaða Arún að kæla sig niður.Aðsend Rigni minna núna en fyrir nokkrum áratugum Haukur hefur eftir tengdapabba sínum að það hafi oft verið heitt á þessum tíma en munurinn liggi í því að fyrir tuttugu til þrjátíu árum hafi alltaf komið skúrir á tveggja daga fresti. Nú sé það liðin tíð og bíða þurfi eftir að monsúnið komi. Þrátt fyrir þetta lét stuttur hitaskúr loks sjá sig fyrir tveimur dögum. „Það dembir yfir vatninu í tíu mínútur og það var svo merkilegt hvað það kólnaði það allt, það var eins og umhverfið, fólkið og dýrin hafi látið frá sér sameiginlegt andvarp,“ segir Haukur. Fjölskyldan verður í Pune fram á mánudag og verja svo síðustu fimm dögunum í Mumbaí áður en hún yfirgefur Indland. Haukur segir óljóst hvort sami tími ársins verði fyrir valinu í næstu ferð þeirra til landsins. „Við komum kannski um vetur næst þegar það verður hægt að skoða meira.“
Indland Veður Íslendingar erlendis Loftslagsmál Tengdar fréttir Skæð hitabylgja setur líf Indverja úr skorðum Skæð hitabylgja hefur sett daglegt líf milljóna Indverja úr skorðum og er von á því að hún nái hápunkti á allra næstu dögum. Narendra Modi, forsætisráðherra Indlands, segir að hitastig fari nú hratt hækkandi víða um land og hitabylgjan sé fyrr á ferðinni en í venjulegu árferði. 28. apríl 2022 13:56 Mest lesið Munu ekki láta af herferð vegna launaþjófnaðarins Innlent Munu hlýða kröfu landsfundar verði tillaga um stjórnarslit samþykkt Innlent Ákveðinn hópur hafi unnið að niðurstöðunni undir yfirborðinu Innlent Orlof húsmæðra: Barn síns tíma eða liður í jafnrétti? Innlent Kertavaka til minningar um konur sem hafa dáið vegna kynbundins ofbeldis Innlent Loksins mega hommar gefa blóð Innlent Segir valsað um sjúkraskrána eins og á rölti um Kringluna Innlent Fimm bíla árekstur á Vesturlandsvegi Innlent Vill hætta við nýja brú yfir Ölfusá og spara milljarða króna Innlent „Öllum ljóst að Ölfusárbrú verði að rísa“ Innlent Fleiri fréttir Minnst sjötíu í valnum eftir árás glæpamanna Versnandi ástand í Pokrovsk Trump sagði Pence að hann yrði fyrirlitinn og talinn heimskur Gerðu árás á landamærastöð þar sem tugir þúsunda hafa flúið Obama leggur land undir fót fyrir Harris í næstu viku Sýknaðir af alvarlegustu ákærunum vegna dauða Nichols Hvaldímír drapst af völdum bakteríusýkingar 21 árs konu bjargað á Gasa tíu árum eftir að henni var rænt Arftaki Nasrallah sagður drepinn í árás Ísraela Vita um tvo Íslendinga í Líbanon Segja íbúum tuttugu og fimm þorpa að flýja Hringmyrkvi sýnilegur yfir syðsta oddi Suður-Ameríku Fyrsta heimsókn Rutte til Úkraínu Íhuga árásir á olíuvinnslur og kjarnorkustöðvar í Íran Nýnasisti sagðist ekki hafa stungið börn vegna rasisma Rússar reyndu að skjóta niður ísraelskar stýriflaugar Slökkva á tækjum næstvíðförlasta geimfarsins til að lengja líf þess Lét sér fátt um finnast að Pence væri í hættu Forsetinn neitar að undirrita lög gegn hinsegin fólki Tekur einarða afstöðu með þungunarrofi og sjálfræði kvenna Læknir játar sök í tengslum við dauða Matthew Perry Starfsfólk farið að þjást af „laxaastma“ Fimm látnir í Beirút eftir loftárás á heilsugæslu Maðurinn á bak við Tripp Trapp-stólinn látinn Verulegar líkur á að stórt stríð brjótist út í Miðausturlöndum Þrír ungir Svíar handteknir vegna sprenginganna í Kaupmannahöfn Watson skal áfram sæta gæsluvarðhaldi Bann gegn betli á teikniborði Svía Bera hefndaraðgerðir undir Bandaríkin Sprengingar við ísraelska sendiráðið í Kaupmannahöfn Sjá meira
Skæð hitabylgja setur líf Indverja úr skorðum Skæð hitabylgja hefur sett daglegt líf milljóna Indverja úr skorðum og er von á því að hún nái hápunkti á allra næstu dögum. Narendra Modi, forsætisráðherra Indlands, segir að hitastig fari nú hratt hækkandi víða um land og hitabylgjan sé fyrr á ferðinni en í venjulegu árferði. 28. apríl 2022 13:56