Körfubolti

Martin frá vegna meiðsla

Runólfur Trausti Þórhallsson skrifar
Martin verður ekki með Valencia í dag.
Martin verður ekki með Valencia í dag. Harry Langer/Getty Images

Íslenski landsliðsmaðurinn Martin Hermannsson leikur ekki með liði sínu Valencia um helgina í spænsku úrvalsdeildinni í körfubolta. Martin er að glíma við meiðsli í hægri ökkla.

Valenca mætir Andorra í ACB-deildinni á Spáni í dag en á vefsíðu Valencia kemur fram að Martin verði ekki með liðinu í leiknum. Þar segir einfaldlega að hann sé fjarri góðu gamni vegna meiðsla á hægri ökkla en ekki kemur fram hversu alvarleg meiðslin eru eða hversu lengi hann verður frá.

Martin átti sannkallaðan stórleik í síðasta leik Valencia en hann setti félagsmet er liðið lagði Levallois í Evrópubikarnum á miðvikudagskvöld. Gaf landsliðsmaðurinn 11 stoðsendingar í leiknum og tapaði honum aldrei.

Valencia er í 4. sæti ACB-deildarinnar með 40 stig, tveimur stigum minna en Real Madríd sem situr í 2. sæti og sex stigum minna en topplið Barcelona.

Körfubolti Spænski körfuboltinn

Mest lesið


Fleiri fréttir

Sjá meira


×

Mest lesið