Fimm til átta sækja um embætti rektors MR og skólameistara Kvennó og MA

Kolbeinn Tumi Daðason skrifar 3. maí 2022 16:32

Mennta- og barnamálaráðuneytinu barst 21 umsókn um embætti rektors Menntaskólans í Reykjavík, skólameistara Kvennaskólans í Reykjavík og skólameistara Menntaskólans á Akureyri. Umsóknarfrestur rann út í síðustu viku.

Sex sóttu um embætti rektors Menntaskólans í Reykjavík en einn dró umsókn sína til baka. Umsækjendur eru:

Ágústa Elín Ingþórsdóttir, fv. skólameistari
Einar Hreinsson, konrektor
Grégory D. Ferdinand Cattaneo, sölu- og verkefnastjóri
Kolfinna Jóhannesdóttir, sviðsstjóri
Sólveig Guðrún Hannesdóttir, framhaldsskólakennari/fagstjóri

Átta sóttu um embætti skólameistara Kvennaskólans í Reykjavík:

Alma Oddgeirsdóttir, brautastjóri
Anna María Gunnarsdóttir, varaformaður
Ágústa Elín Ingþórsdóttir, fv. skólameistari
Ásta Laufey Aðalsteinsdóttir, skólameistari
Einar Hreinsson, konrektor
Hulda B. Kjærnested Baldursdóttir, kennari
Kolfinna Jóhannesdóttir, sviðsstjóri
Þorkell Hjálmarsson Diego, yfirkennari

Sjö sóttu um embætti skólameistara Menntaskólans á Akureyri:

Alma Oddgeirsdóttir, brautastjóri
Ásta Fönn Flosadóttir, skólastjóri
Karl Frímannsson, sviðsstjóri
Kristín Elva Viðarsdóttir, skólasálfræðingur
Ómar Örn Magnússon, doktorsnemi
Sigurlaug A. Gunnarsdóttir, aðstoðarskólameistari
Þuríður Helga Kristjánsdóttir, framkvæmdastjóri

Skipað verður í öll embættin frá 1. ágúst næstkomandi.

Mennta- og barnamálaráðherra skipar í embættin til fimm ára í senn að fenginni umsögn hlutaðeigandi skólanefndar skv. 6. gr. laga um framhaldsskóla og lögum um réttindi og skyldur starfsmanna ríkisins, með síðari breytingum.

Skóla - og menntamál Vistaskipti Framhaldsskólar Reykjavík Akureyri