Tíska og hönnun

Innsýn inn í heim Bláa lónsins á Hafnartorgi

Helgi Ómarsson skrifar
Sýning Bláa lónsin á Hafnartorgi er hluti af Hönnunarmars.
Sýning Bláa lónsin á Hafnartorgi er hluti af Hönnunarmars. Vísir/Helgi Ómars

Flestir Íslendingar eru stoltir af Bláa lóninu enda er það nefnt af mörgum sem eitt af undrum veraldar. Stór hluti af töfrum þess er hversu mikið hefur verið nostrað við umhverfið. Arkitektúrinn í kringum lónið og The Retreat hótelið eru í heimsklassa. 

Í tilefni Hönnunarmars býður Bláa lónið uppá fræðandi og fallega sýningu á Hafnartorgi þar sem hægt er að fá innsýn inn í hönnunarheim undursins.

Vandamál heimsins hverfa

Að ganga inn á The Retreat hótelið er eins og að ganga inn í nýjan heim þar sem allt er fallegt og öll vandamál heimsins hverfa.

Arkitektarnir Sigríður Sigþórsdóttir og Sigurður Þorsteinsson eru fólkið á bakvið þetta magnaða hótel og er sjón sögu ríkari, vægast sagt.

Sýning Bláa Lónsins á Hafnartorgi.Vísir/Helgi Ómars

Skiljanlega vaknar mikil forvitni þegar maður upplifir lúxushótel af þessu tagi. Jú, eins og hvernig í fjandanum komu þau morgunverðarborðinu inní húsið?

Sýningin sýnir ýmsa ef ekki alla póla um sögu og hönnun hótelsins.

Sýning Bláa Lónsins á Hafnartorgi.Vísir/Helgi Ómars

Bláa lónið skapar upplifanir ólíkt öllu öðru og gefur manni smá „zen“ í líkamann. Hluti af þeirri tilfinningu lifir á sýningunni á Hafnartorgi. 

Þar fær maður til dæmis skýra mynd af því hversu mikilvægt hraunið er í upplifuninni og hversu mikið það var nýtt í útfærslu hótelsins.

Sýning Bláa Lónsins á Hafnartorgi.Vísir/Helgi Ómars
Sýning Bláa Lónsins á Hafnartorgi.Vísir/Helgi Ómars

HönnunarMars 2022 fer fram 4. til 8. maí. Alla dagskránna má finna á vef hátíðarinnar. 

Frítt er inn á alla viðburði fyrir utan DesignTalks ráðstefnuna í Hörpu. HönnunarMars er opinn öllum og dagskráin er fjölbreytt svo allir ættu að geta fundið eitthvað við sitt hæfi.  

Hér má finna alla okkar umfjöllun um HönnunarMars 2022. 

HönnunarMars Menning Tíska og hönnun Bláa lónið

Tengdar fréttir

Hönnunargleði á Hafnartorgi

Hafnartorgið iðaði af gleði með hönnunarvörum, list og arkitektúr. Þar má finna ýmsar sýningar og bíður Hafnartorgið uppá að slá nokkrar listaflugur í einu höggi. Svo er að sjálfssögðu hægt að bræða úr debitkortinu sínu í fallegu verslunum en það er kannski annað mál. 

„Af hverju á íslenska krónan ekki sitt eigið tákn?“

Í gær fór fram formleg opnun sýningarinnar „Tákn fyrir íslensku krónuna“ í Grósku hugmyndahúsi. Hún er afrakstur samkeppni Félags íslenskra teiknara sem haldin var í tilefni HönnunarMars með stuðningi Seðlabanka Íslands.

Hin árlega eftirvænting fyrir sýningu Hildar Yeoman

Það er óhætt að segja að það er alltaf eftirvænting hvað Hildur Yeoman töfrar upp ári hverju en hún hefur staðfest sig harkalega í íslenska hönnunargeirann með spennandi nálgun á tískusýningar. 

#íslenskflík: Saga 66°Norður stöðugur innblástur

Rakel Sólrós Jóhannsdóttir er partur af hönnunarteymi 66°Norður og er annar viðmælandinn í #Íslenskflík sem er verkefni Fatahönnunarfélags Íslands sem miðar að því að kynna íslenska fatahönnun og vekja athygli á því framúrskarandi hugviti og þeim fjölbreyttu vörum sem hér er að finna.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.