Spánn og Portúgal skiptu stigunum á milli sín í stórleiknum

Varamaðurinn Ricardo Horta reyndist hetja Portúgala er hann tryggði liðinu 1-1 jafntefli gegn Spánverjum í stórleik kvöldsins í Þjóðadeild Evrópu í fótbolta.

Alvaro Morata kom Spánverjum yfir með marki á 24. mínútu eftir stoðsendingu frá Pablo Sarabia. Það reyndist eina mark fyrri hálfleiksins og staðan því 1-0 þegar gengið var til búningsherbergja.

Það var svo varamaðurinn Ricardo Horta sem jafnaði metin fyrir Portúgal þegar um átta mínútur voru til leiksloka. Niðurstaðan varð því 1-1 jafntefli og Spánn og Portúgal eru með sitthvort stigið eftir eina umferð.