Fótbolti

Kosta Ríka seinasta þjóðin til að tryggja sér sæti á HM

Hjörtur Leó Guðjónsson skrifar
Joel Campbell skoraði markið sem skaut Kosta Ríka á HM.
Joel Campbell skoraði markið sem skaut Kosta Ríka á HM. Matthew Ashton - AMA/Getty Images

Kosta Ríka varð í kvöld seinasta þjóðin til að bóka farseðilinn á HM í Katar sem fram fer í lok árs er liðið vann 1-0 sigur gegn Nýja-Sjálandi í umspilsleik þjóðanna.

Joel Campbell skoraði eina mark leiksins strax á þriðju mínútu og tryggði Kosta Ríka þar með seinasta lausa sætið á HM.

Nýsjálenska liðið reyndi hvað það get til að jafna, en gerði sér erfitt fyrir þegar Kosta Barbarouses fékk að líta beint rautt spjald á 67. mínútu aðeins sjö mínútum eftir að hann kom inn á sem varamaður.

Niðurstaðan varð því 1-0 sigur Kosta Ríka og nú er ljóst hvaða 32 lið berjast um heimsmeistaratitilinn í fótbolta.

HM 2022 í Katar Kosta Ríka

Mest lesið


Fleiri fréttir

Sjá meira


×

Mest lesið