Fótbolti

Misjafnt gengi Íslendingaliðanna í Noregi

Árni Jóhannsson skrifar
Samúel Kári Friðjónsson byrjaði fyrir Víking frá Stavanger í dag
Samúel Kári Friðjónsson byrjaði fyrir Víking frá Stavanger í dag

Fimm leikjum er lokið í norsku úrvalsdeildinni í fótbolta í dag. Íslendingar komu við sögu í tveimur þeirra en Samúel Kári Friðjónsson og Patrik Sigurður Gunnarsson byrjuðu leikinn fyrir Viking á móti Sandefjord. Hólmbert Aron Friðjónsson byrjaði á bekknum en kom inn á þegar topplið Lilleström lagði Rosenborg 3-1.

Samúel Kári og Patrik byrjuðu báði inn á þegar Viking tapaði fyrir Sandefjord 1-2 á heimavelli. Úrslitin þýða að Viking missa Molde og Lilleström bæði lengra frá sér í toppbaráttunni en halda sér í þriðja sæti deildarinnar. 

Hólmbert Aron Friðjónsson kom inn á þegar fimm mínútur voru eftir af leik Lilleström og Rosenborg sem endaði 3-1 fyrir toppliðinu sem hélt toppsætinu en liðið í öðru sæti vann einnig. Molde lagði Odd Grenland 2-1og styrktu þeir þá stöðu sína í öðru sæti deildarinnar en eins og áður sagði tapaði Viking stigum í þriðja sætinu. 

Að auki vann Kamarkameratene Jerv á útivelli 2-1 og Tromsö og Haugesund gerðu 1-1 jafntefli.

Norski boltinn

Mest lesið


Fleiri fréttir

Sjá meira


×

Mest lesið