Jökulsporðar hopuðu víða um tugi metra á árinu en nokkrir brattir skriðjöklar gengu þó fram, mest Morsárjökull sem gekk fram um meira en 100 metra. Þetta kemur fram í nýútkomnu fréttabréfi á vegum verkefnisins Hörfandi jöklar og birt er á vef Veðurstofunnar.
Jöklar á Íslandi hafa rýrnað á hverju ári síðan 1995, að undanskildu árinu 2015. Þeir hafa tapað um átta prósentum af heildarrúmmáli sínu á umræddu tímabili.
