Lærisveinar Freys enn í leit að fyrsta sigrinum

Heimamenn í Nordsjælland tóku forystuna á 36. mínútu og staðan var því 1-0 þegar flautað var til hálfleiks.

Emil Nielsen jafnaði metin fyrir Lyngby þegar rúmar tuttugu mínútur voru til leiksloka, en heimamenn tryggðu sér 2-1 sigur með marki á 80. mínútu.

Sævar Atli Magnússon byrjaði á varamannabekk Lyngby, en kom inn á þegar um sjö mínútur voru til leiksloka. Liðið hefur nú aðeins fengið eitt stig úr fyrstu þrem umferðum deildarinnar, en Nordsjælland hefur hins vegar unnið alla sína þrjá leiki og liðið trónir á toppi deildarinnar.