Alfons og félagar unnu risasigur

Alfons var á sínum stað í byrjunarliði heimamanna, en það voru þeir Amahl Pellegrino og Hugo Vetlesen sem sáu um markaskorun fyrri hálfleiksins. Pellegrino og Vetlesen skoruðu báðir tvö mörk og staðan því 4-0 í hálfleik.

Vetlesen fullkomnaði svo þrennu sína snemma í síðari hálfleik, einmitt eftir stoðsendingu frá Pellegrino, áður en Runar Espejord og Ulrik Saltnes gulltryggðu 7-0 sigur norsku meistaranna.

Bodö/Glimt er nú með 34 stig í þriðja sæti deildarinnar eftir 17 leiki, fimm stigum á eftir toppliði Molde. Odd situr hins vegar í tíunda sæti með 19 stig.