West Ham gerir Paquet­á að mögu­lega dýrasta leik­manni í sögu fé­lagsins

Hinn 25 ára gamli Paquetá skrifar undir fimm ára samning við Hamranna. Hann er sóknarþenkjandi miðjumaður sem á að krydda upp á sóknarleik lærisveina David Moyes.

Paquetá kostar Lundúnaliðið 36 milljónir punda (sex milljarðar íslenskra króna) en heildarverðið gæti numið 51 milljón punda (átta og hálfur milljarður) þegar uppi er staðið.

West Ham hefur verið duglegt á leikmannamarkaðnum í sumar en félagið hefur alls fest kaup á átta leikmönnum í sumar: 

• Gianluca Scamacca kom frá Sassuolo [Ítalíu]
• Nayef Aguerd kom frá Rennes [Frakklandi]
• Maxwel Cornet kom frá Burnley [Englandi]
• Emerson Palmieri kom frá Chelsea [Englandi]
• Flynn Downes kom frá Swansea City [Wales]
• Thilo Kehrer kom frá París Saint-Germain [Frakklandi]
• Alphonse Areola kom einnig frá PSG [Frakklandi]

Fyrsti sigur West Ham kom um liðna helgi er liðið vann 1-0 sigur á Aston Villa. Það var þeirra fyrsti sigur á leiktíðinni en liðið er sem stendur í 16. sæti deildarinnar.