Nemandi FÁ dró upp hníf í skólanum

Ríkisútvarpið hefur eftir Magnúsi Ingvasyni, skólameistara FÁ, að myndskeiðið sýni hóp nemanda kasta skó í annan nemanda, sem bregst ókvæða við og dregur upp hníf.

Í tölvupósti til nemenda og foreldra barna í skólanum segir Magnús að myndskeiðinu hafi verið dreift milli nemenda og fólks utan skólans. Það sé litið alvarlegum augum enda sé sé með öllu óheimilt að bæði taka upp og dreifa myndefni af því sem gerist innan skólans.

Í samtali við Ríkisútvarpið segir Magnús að allir hluteigandi hafi verið kallaðir á fund og að unnið sé í samræmi við aðgerðaáætlun. Nemandanum sem dró upp hnífinn hafi verið vikið úr skólanum og ólíklegt sé að hann eigi afturkvæmt þangað.