Viðskipti innlent

Arion banki hækkar vexti

Bjarki Sigurðsson skrifar
Benedikt Gíslason er bankastjóri Arion banka.
Benedikt Gíslason er bankastjóri Arion banka. Vísir/Einar

Arion banki hefur hækkað vexti óverðtryggðra og verðtryggðra íbúðalána frá og með deginum í dag. Bankinn fylgir því fordæmi Landsbankans sem hækkaði vexti fyrr í vikunni. 

Hækkunin kemur í kjölfar þess að Seðlabanki Íslands hækkaði stýrivexti um 0,25 prósentustig í síðustu viku. 

Óverðtryggðir breytileguir íbúðalánavextir hækka um 0,25 prósentustig og fara í 7,59 prósent. Óverðtryggðir þriggja ára íbúðalánavextir eru óbreyttir og eru því áfram 7,75 prósent. 

Verðtryggðir breytilegir íbúðalánavextir hækka um 0,75 prósentustig og verða 2,94 prósent. Nákvæmlega sama hækkun er á verðtryggðum föstum fimm ára íbúðalánavöxtum sem eru nú einnig 2,94 prósent. 

„Vaxtabreytingar útlána taka mið af fjármögnunarkostnaði bankans á hverjum tíma en einnig af öðrum þáttum, m.a. útlánaáhættu. Fjármögnunarkostnaður bankans fylgir að hluta til stýrivöxtum Seðlabankans en einnig hafa aðrar fjármögnunarleiðir umtalsverð áhrif, svo sem innlán viðskiptavina, markaðsfjármögnun, erlend skuldabréfaútgáfa og eiginfjárgerningar,“ segir í tilkynningu á vef bankans. 

Arion banki Íslenskir bankar Verðlag Neytendur Fjármál heimilisins

Tengdar fréttir

Landsbankinn hækkar vexti

Landsbankinn hefur ákveðið að hækka vexti á óverðtryggðum íbúðalánum um 0,25 prósentustig. Sama hækkun er herð á breytilegum vöxtum verðtryggðra íbúðalána. Fastir vextir nýrra óverðtryggðra íbúðalána verða óbreyttir en fastir vextir verðtryggðra íbúðalána hækka um 0,30 prósentustig.



Mest lesið


Fleiri fréttir

Sjá meira


×

Mest lesið