Fótbolti

Man. Utd og Barcelona mætast

Sindri Sverrisson skrifar
Cristiano Ronaldo og félagar í Manchester United enduðu í 2. sæti síns riðils í Evrópudeildinni og þurfa því að fara í umspil um sæti í 16-liða úrslitum, þar sem þeir mæta Barcelona.
Cristiano Ronaldo og félagar í Manchester United enduðu í 2. sæti síns riðils í Evrópudeildinni og þurfa því að fara í umspil um sæti í 16-liða úrslitum, þar sem þeir mæta Barcelona. Getty/David Davies

Stórlið Barcelona og Manchester United mætast í umspilinu um sæti í 16-liða úrslitum Evrópudeildarinnar í fótbolta. Dregið var í umspilið í dag, í beinni útsendingu á Vísi.

Í umspilinu mætast liðin sem enduðu í 3. sæti síns riðils í Meistaradeild Evrópu og liðin sem enduðu í 2. sæti síns riðils í Evrópudeildinni. 

Eitt Íslendingalið er í keppninni en það er danska liðið Midtjylland sem landsliðsmarkvörðurinn Elías Rafn Ólafsson leikur með en Midtjylland mætir Sporting Lissabon.

Dráttinn má sjá hér að neðan.

Umspilið:

  • Barcelona - Man. Utd
  • Juventus - Nantes
  • Sporting Lissabon - Midtjylland
  • Shaktar Donetsk - Rennes
  • Ajax - Union Berlín
  • Leverkusen - Monaco
  • Sevilla - PSV Eindhoven
  • Salzburg - Roma

Umspilið fer fram 16. og 23. febrúar. Liðin sem vinna komast áfram í 16-liða úrslit en þar bíða liðin átta sem unnu sinn riðil í Evrópudeildinni. Þau lið eru Arsenal, Fenerbahce, Real Betis, Union Saint-Gilloise, Real Sociedad, Feyenoord, Freiburg, Ferencváros.

Drátturinn í dag var í beinni útsendingu á Vísi og hér má sjá útsendinguna.

Klippa: Drátturinn í Evrópudeild UEFA

Hér að neðan má sjá flokkana tvo fyrir dráttinn í dag. Lið úr sama flokki gátu ekki mæst og ekki heldur lið frá sama landi.

Lið úr Evrópudeild:

  • PSV (Holland)
  • Roma (Ítalía)
  • Manchester United (England)
  • Nantes (Frakkland)
  • Rennes (Frakkland)
  • Union Berlín (Þýskaland)
  • Midtjylland (Danmörk)
  • Monaco (Frakkland)

Lið úr Meistaradeild:

  • Ajax (Holland)
  • Barcelona (Spánn)
  • Salzburg (Austurríki)
  • Sevilla (Spánn)
  • Leverkusen (Þýskaland)
  • Sporting Lissabon (Portúgal)
  • Shaktar Donetsk (Úkraína)
  • Juventus (Ítalía)
Evrópudeild UEFA Fótbolti

Tengdar fréttir

Endurtekning frá úrslitaleik síðasta tímabils

Liðin sem mættust í úrslitaleik Meistaradeildar Evrópu á síðasta tímabili, Real Madrid og Liverpool, eigast við í sextán liða úrslitum keppninnar að þessu sinni. Dregið var í sextán liða úrslit Meistaradeildarinnar í fótbolta karla í dag.

Mest lesið


Fleiri fréttir

Sjá meira


×

Mest lesið