Jólailmur Vorhúss slær í gegn

Jólahefðir og nýjungar Vorhúss

Vorhús hefur frá upphafi komið með gott úrval af nýjungum á þessum árstíma og í ár verður engin undantekning á því. Heitustu nýjungarnar eru Einiberja thermobolli og Einiberja jólailmkerti, með dásamlegri angan af sígrænum greinum, ásamt nýjum servíettum sem eru hannaðar af Vorhúsi en framleiddar af Reykjavík Letterpress. Servíetturnar og jólailmkertið njóta mikilla vinsælda um þessar mundir og seljast grimmt hjá Vorhúsi en servíetturnar og ilmkertið er jafnframt til sölu hjá öllum betri lífsstíls-og hönnunarbúðum landsins.

Eydís Ólafsdóttir er hönnuðurinn á bakvið Einiberjamynstrið hjá Vorhús en það kom fyrst á markað fyrir tveimur árum. 

„Innblástur hönnunarinnar er sóttur til hinna alíslensku jóla hér á árum áður þegar jólatréð var úr tréspýtum og skreytt með einiberjalyngi. Mér finnst mikilvægt að halda í íslenska arfinn okkar frá fornri tíð og nýta sem efnivið í nútímahönnun.‟

Einiberjalínan samanstendur af jólaviskustykkjum, skurðarbretti, thermobolla, servíettum og handklæðum svo dæmi séu nefnd. 

„Lítið jólahandklæði og þvottastykki með einiberjamunstrinu er mjög góð gjöf sem nýtist öllum kynjum og aldri og hefur því verið mjög vinsæl í ár. Ég hef til dæmis ávallt sérstakt jólahandklæði í rauðum lit á baðinu heima í desember og því var það tilvalið að koma með handklæði og þvottastykki í ár með Einiberjamunstrinu,‟ segir Eydís.

Tryggð viðskiptavina mikilvæg fyrir íslensk hönnunarfyrirtæki

Handklæði, viskustykki og bollar með loki eru líka vinsælar gjafir um jólin en áhersla fyrirtækisins á gæði skilar sér í jákvæðum viðtökum og viðskiptavinum sem halda ávallt tryggð við fyrirtækið. 

„Að halda úti fyrirtæki sem kemur á hverju ári með einhverjar nýjungar krefst stöðugs fjármagns og góðs samstarfs við fjölmarga samstarfsaðila," Segir Fjóla Karlsdóttir, framkvæmdastjóri Vorhúss.

„Viðskiptavinatryggð skiptir okkur miklu máli og ef varan er góð er tryggð viðskiptavina meiri. Því leggjum við mikið upp úr gæðum og góðri þjónustu við bæði einstaklinga og fyrirtæki því án þeirra væri Vorhús ekki orðið 15 ára. Við erum því þakklát fyrir bæði okkar góðu viðskiptavini sem og aðra samstarfsaðila sem allir eiga hlut að því að gera vörur Vorhúss að veruleika.“ 

„Já og ekki síður verslunaraðilar sem selja vörur okkar alls staðar á landinu. Þeir skipta líka höfuðmáli þegar kemur að íslenskri hönnun og að koma henni á framfæri og þeim erum við ævinlega þakklátar,‟ segir Sigríður Björg Haraldsdóttir, hönnunarstjóri Vorhúss.

Vörur Vorhúss fást hjá öllum helstu lífsstíls-og hönnunarbúðum um land allt. 

Vorhús verður á sýningunni Handverk og hönnun sem hefst í dag í Ráhúsi Reykjavíkur. Sýningin stendur til 21. nóvember.

Vorhús státar af meira en 120 vörum úr eigin smiðju í ár og fást vörur Vorhús til dæmis á vefnum vorhus.is og hjá eftirtöldum söluaðilunum: