Ben White yfirgefur enska hópinn

Ben White kom ekki við sögu í fyrstu tveimur leikjum enska liðsins á mótinu og missti af leiknum gegn Wales í gær vegna veikinda. Ástæður brottfarar hans til Englands eru ekki tilteknar nánar en að þær séu af persónulegum ástæðum.

„Við biðjum um að einkalíf leikmannsins sé virt á þessari stundu,“ segir í yfirlýsingu enska knattspyrnusambandsins.

Gareth Southgate, þjálfari enska liðsins, getur ekki tekið inn leikmann í hópinn í stað White. England mætir Senegal í 16-liða úrslitum heimsmeistarkeppninnar á laugardag.

Arsenal deildi Twitterfærslu enska knattspyrnusambandsins varðandi brottför White og segist standa með White.