Elvar Már og félagar með enn einn sigurinn

Rytas liðið er í öðru sæti deildarinnar, sex stigum á eftir Zalgiris Kaunas sem er á toppnum en Kaunaz hefur aðeins tapað einum deildarleik í vetur.

Gestirnir í liði Prienei byrjuðu betur í dag og leiddu 26-19 að loknum fyrsta leikhluta. Í öðrum leikhluta skildu hins vegar leiðir, Rytas vann hann 39-12 og staðan í hálfleik 58-38.

Í síðari hálfleik hélt lið Rytas í horfinu og hleyptu gestunum aldrei nálægt sér. Lokatölur 98-77 Rytas í vil.

Elvar Friðriksson spilaði rúmar sautján mínútur í liði Rytas, skoraði 8 stig og gaf 6 stoðsendingar.