Marsspá Siggu Kling - Nautið

Eina leiðin er að hrista þetta af sér eins og þú værir blautur hundur og fara svo inn í hlýjuna. Þú ert að hlaða þig og þegar sá tími er þá er maður viðkvæmur og lítill í sér. Hér dugar bara harkan sex, að standa upp og að láta rigna upp í nefið á sér. Þú kannt að láta öðrum líða vel og að allt gangi vel. Þú ert brellumeistari en þegar þú gerir þetta þá heldur líkaminn, hjartað, sálin og heilinn að allt sé súper gott, og færir þér vellíðan eins og þú hefur aldrei fundið áður.

Joe Dispenza segir að þú getir verið í jóga, líkamsrækt eða einhverju í þeirri stefnu. Getur verið í intermitten fasting, ketó, verið grænmetisæta og svo framvegis, en ekkert af þessu gerir eitthvað fyrir þig. Það eina sem gerir þér gott er að fylla frumurnar þínar af gleði og senda sterk skilaboð til þeirra um hvað þú vilt og að trúa og treysta.

Það er alltaf verið að breyta því af hinum og þessum sérfræðingum hvað þú eigir að gera til þess að þér líði vel. Þú finnur þá sterku tilfinningu að þú sért að verða svo sjálfstætt og þegar það byrjar að myndast og þú ert tilbúin í ástina, þá flæðir hún til þín eins og dynjandi regn. Marsmánuður er sá mánuður sem þú þarft að taka sem flestar ákvarðanir og standa við þær.

Þegar marsmánuði lýkur er hinn dásamlegi og mikilfengi Plúto að hafa mikil og sterk áhrif og inn í líf þitt og hann er kominn til að gefa, svo vertu viðbúinn að taka á móti.

Knús og kossar, Sigga Kling