Fótbolti

Busquets komst upp fyrir þá Messi og Sergio Ramos

Óskar Ófeigur Jónsson skrifar
Sergio Busquets biður hér um rangstöðu á Karim Benzema hjá Real Madrid í metleiknum í gær.
Sergio Busquets biður hér um rangstöðu á Karim Benzema hjá Real Madrid í metleiknum í gær. AP/Bernat Armangue

Spænski miðjumaðurinn Sergio Busquets er nú sá leikmaður sem hefur oftast spilað í El Clasico leiknum á Spáni.

El Clasico er eins og flestir vita leikurinn á milli erkifjendanna í spænska fótboltanum; Real Madrid og Barcelona.

Busquets hefur spilað með Barcelona frá árinu 2008 en hann er nú orðinn 34 ára gamall.

Leikurinn í gær, fyrri leikur Real Madrid og Barcelona í undanúrslitum spænska bikarsins, var 46. El Clasico leikur Busquets á ferlinum í öllum keppnum.

Barcelona vann leikinn 1-0 og er því í góðum málum fyrir þann seinni sem fer fram á Nývangi.

Metið áttu áður þeir Lionel Messi (fyrir Barcelona) og Sergio Ramos (fyrir Real) en þeir höfðu á sínum tíma slegið met þeirra Xavi Hernandez, Manolo Sanchis og Paco Gento.

Sergio Busquets hefur leikið yfir sjö hundruð leiki fyrir Barcelona í öllum keppnum og unnið yfir þrjátíu titla með liðinu.

Lionel Messi er leikjahæsti leikmaður Barcelona frá upphafi með 778 leiki en Busquets er kominn upp í 710 leiki.

Spænski boltinn

Mest lesið


Fleiri fréttir

Sjá meira


×

Mest lesið