Players mótið er eitt af risamótunum fjórum í golfheiminum og þar að auki fyrsta risamót ársins. Mótið fer fram á Sawgrass vellinum í Flórída en mótinu lýkur á sunnudagskvöld.
Að loknum fyrsta hring er Bandaríkjamaðurinn Chad Ramey í fyrsta sætinu en hann lék fyrsta hringinn á átta höggum undir pari. Hann fékk engan skolla og lék frábærlega. Ramey er í 225.sæti á heimslistanum og því nokkuð óvænt að hann leiði eftir fyrsta hring.
Í öðru sæti er Colin Morikawa einu höggi á eftir. Morikawa er í 9.sæti heimslistans og talinn líklegur til afreka.
Rory McIlroy var í miklum vandræðum í dag og lauk keppni á fjórum höggum yfir pari. Ekki nóg með að hann sé tólf höggum á eftir Ramey heldur verður hann í vandræðum með að komast í gegnum niðurskurðinn á mótinu.
Jon Rahm, efsti maður heimslistans, var í holli með McIlroy og lauk keppni á einu höggi undir pari. Bandaríkjamaðurinn Scottie Scheffler var sömuleiðis í þessu sannkallaða stjörnuholli og er með í baráttunni eftir að hafa fengnið fugl á þremur af síðustu fjórum holunum og lokið keppni á fjórum undir pari.
Högg dagsins átti hins vegar Hayden Buckley sem fór holu í höggi á 17. brautinni.
Efstu menn:
Chad Ramey, Bandaríkjunum -8
Collin Morikawa, Bandaríkjunum, -7
Taylor Pendrith, Kanada -5
Ben Griffin, Bandaríkjunum -5
Justin Suh, Bandaríkjunum -5
Sam Burns, Bandaríkjunum, -4
Ryan Palmer, Bandaríkjunum, -4
Christiaan Bezuidenhout, Suður-Afríku -4
Min Won Lee, Nýja Sjálandi, -4
Denny McCarthy, Bandaríkjunum -4
Scottie Scheffler, Bandaríkjunum -4
Adam Svensson, Kanada -4