Sjáðu hvað þeir þéna: Guð­laugur Victor langlauna­hæsti Ís­­­lendingurinn í MLS

Leik­manna­­sam­tök MLS-deildarinnar í knatt­­spyrnu hafa gefið út launa­­tölur leik­manna deildarinnar á árs­­grund­velli. Listinn inni­heldur leik­­menn sem eru með nú­­gildandi samning við lið í MLS deildinni.

Fjórir Ís­­lendingar, þeir Guð­laugur Victor Páls­son, Dagur Dan Þór­halls­­son, Róbert Orri Þor­kels­­son og Þor­­leifur Úlfars­­son, eru á mála hjá liðum í deildinni.

Guð­laugur Victor Páls­son, leik­maður D.C. United er langlauna­hæsti Ís­lendingur deildarinnar með 875 þúsund Banda­ríkja­dali í grunn­laun á árs­grund­velli. Það jafn­gildir rúmum 122,7 milljónum ís­lenskra króna.

Með bónus­greiðslum er Guð­laugur Victor að þéna rúma 892 þúsund Banda­ríkja­dali á árs­grund­velli. Rúmar 125 milljónir ís­lenskra króna.

Þor­leifur Úlfars­son er á mála hjá Hou­ston Dyna­mo og sam­kvæmt launa­tölum sem leik­manna­sam­tökin gefa frá sér þénar hann rúma 85 þúsund Banda­ríkja­dali í grunn­laun á árs­grund­velli. Það jafn­gildir tæpum 12 milljónum ís­lenskra króna.

Með bónus­greiðslum er Þor­leifur að þéna rúma 97 þúsund Banda­ríkja­dali, rúmar 13,6 milljónir ís­lenskra króna.

Dagur Dan Þór­halls­son er á mála hjá Or­lando City og er þar að þéna 160 þúsund Banda­ríkja­dali í grunn­laun á árs­grund­velli. Það jafn­gildir rúmum 22,4 milljónum ís­lenskra króna.

Með bónus­greiðslum kemur fram í gögnum frá leik­manna­sam­tökunum að Dagur sé að þéna rúma 195 þúsund Banda­ríkja­dali, eða rétt rúmar 27 milljónir ís­lenskra króna.

Róbert Orri Þor­kels­son, varnar­maður CF Mont­real, þénar 175 þúsund Banda­ríkja­dali í grunn­laun á árs­grund­velli. Það jafn­gildir rétt rúmum 24,5 milljónum ís­lenskra króna.

Með bónus­greiðslum er hann sagður vera með 198,5 þúsund Banda­ríkja­dali í árs­laun, rúmar 27,8 milljónir ís­lenskra króna.

Svissneski miðjumaðurinn Xerdan Shaqiri, leikmaður Chicago Fire FC er launahæsti leikmaður MLS deildarinnar ef bónusgreiðslur eru teknar með. 

Shaqiri, sem eitt sinn var á mála hjá enska úrvalsdeildarfélaginu Liverpool, þénar rúmar 8,1 milljónir Bandaríkjadala á ársgrundvelli, rétt rúman 1,1 milljarð íslenskra króna. 

Ef aðeins grunnlaun eru tekin fyrir má sjá að Ítalinn Lorenzo Insigne, leikmaður Toronto FC, trónir á toppi launalistans með 7,5 milljónir Bandaríkjadala í laun á ársgrundvelli. Það jafngildir rétt rúmum 1 milljarði íslenskra króna.