Iðnaðar­maður ársins fékk góða að­stoð frá tengda­syni

Hún kennir gull- og silfursmíði í Tækniskólanum auk þess að sem hún stundar þar nám í húsasmíði. Við óskum Hörpu til hamingju með titilinn.

Það var Ómar Úlfur, dagskrárgerðarmaður á X977, sem afhenti henni verðlaunin.

Leitin að Iðnaðarmanni ársins fer fram í samstarfi við Sindra sem leggur til glæsilega vinninga. Iðnaðarmaður ársins 2023 hlýtur Dewalt 18v XR 6 véla sett og Blåkläder alklæðnað frá Sindra, að andvirði 340.000 kr.

Vinningarnir koma strax að góðum notum enda er Harpa að byggja bæði íbúðarhús og hesthús í sveitinni sinni. „Við erum að steypa grunn í vikunni ef veður leyfir og í kjölfarið reisum við húsið. Þannig að vinningurinn kemur svo sannarlega að góðum notum.“

Hún segist ekki hafa átt von á því að sigra keppnina. „Ég rak ekki beint stífa kosningabaráttu en tengdasonur minn var þó duglegur enda sendi hann inn umsóknina með langri lofræðu um mig.“

„Fær hann ekki prik fyrir það?,“ spyr Ómar Úlfur. „Jú, það er spurning hvort hann verði ekki valinn tengdasonur ársins?“

Eins og fyrr segir stundar Harpa nám í húsasmíði. „Verður nokkuð mál að fá sveinsprófið sem Iðnaðarmaður ársins?“ spyr Ómar Úlfur. „Þarftu ekki bara að mæta á staðinn með þennan titil?“

„Nei, ég verð að standast prófið eins og aðrir nemendur,“ segir hún með bros á vör.

Þátttaka í Iðnaðarmanni ársins var mjög góð að vanda og bárust dómnefnd fjöldi ábendinga um flinka iðnaðarmenn. Eftir mikla yfirlegu valdi dómnefnd átta einstaklinga sem þóttu skara fram úr, fjórar konur og fjóra karla, og voru þau kynnt til sögunnar á Vísi í maí og júní. 

Þetta er í áttunda sinn sem Iðnaðarmaður ársins er valinn hér á Vísi. Iðnaðarmaður ársins 2022 var Hannes Kristinn Eiríksson stálsmiður. X977 og Sindri þakka öllum sem tóku þátt.