Ekki klefar heldur snagar: „Þetta er bara fyrsti áfangi framkvæmda“

Til­efnið er gagn­rýni Karenar Kjartans­dóttur, al­manna­tengils, á tvo skúra sem reistir hafa verið í Land­manna­laugum. Karen taldi að um væri að ræða nýja búnings­klefa og sagði þá skyggja á út­sýni til fjalla. Sér kæmi á ó­vart hve klaufa­lega væri staðið að fram­kvæmdunum.

„Það er ó­trú­lega eðli­legt að fyrstu við­brögð fólks séu nei­kvæð þegar ein­hverju er breytt sem því er annt um og maður skilur það alveg,“ segir Magda­lena Sigurðar­dóttir, arki­tekt hjá VA Arki­tektar. Hins vegar verði að vanda til verka í umfjöllun um arkitektúr, of algengt sé að hún sé á neikvæðum nótum og ekki byggður á staðreyndum.

Magdalena tekur fram að húsin sem Karen hafi gagn­rýnt séu þannig ekki búnings­klefar heldur yfir­byggðir snagar fyrir hand­klæði og per­sónu­lega muni. Þeir komi í stað gamla pallsins sem hafi verið illa farinn og gjarnan fullur af drasli.

Ekki verði skyggt á laugarsvæðið

„Þetta er bara fyrsti á­fangi fram­kvæmda. Þarna verður byggð ný að­staða hinu­megin við Námskvísl og það stendur til að minnka þau mann­virki sem eru á svæðinu og kofa­byggðina við gamla skálann og í raun færa náttúruna þar aftur í upp­runa­legt horf, þannig bíla­stæði, búnings­að­staða og nestis­að­staða sé hinu­megin við Námskvísl en ekki inn á sjálfu svæðinu.“

Þannig verði búnings­klefar hinu­megin við kvíslina, ein­mitt svo þeir skyggi ekki á laugar­svæðið. Magda­lena segir nýja pallinn stað­settan á sama stað og þann gamla, en vera dreginn að­eins til baka til að stuðla að betra út­sýni.

„Pallarnir og skýlin eru úr lerki, sem tekur nokkra mánuði að veðrast og grána og munu það þá falla ein­stak­lega vel að um­hverfinu,“ segir Magda­lena. Mikil vinna hafi farið í til­löguna, vandað hafi verið til verka og sam­ráð haft við Um­hverfis­stofnun, Land­vernd og Ferða­fé­lag Ís­lands.

Hægt er að kynna sér vinningstillögur VA arkitekta og Landmótunar hér: 

• við_áreyrnar_19_júlí_2023PDF3.5MB
  Sækja skjal