Þóttist vera dáin

Ástralska leik­konan segir frá þessu á bresku út­varps­stöðinni BBC2 þar sem hún segist hafa verið gríðar­lega upp­á­tækja­söm í æsku. Stjarnan er í aðal­hlut­verki í Bar­bie myndinni sem frum­sýnd er um allan heim í þessari viku. Horfa má á klippu úr þættinum hér fyrir neðan þar sem Mar­got mætti á­samt með­leikara sínum úr Bar­bie, Ryan Gosling.

Hún lýsir því hvernig hún hafi eitt sinn atað sig alla út í tómat­sósu og lagst við hliðina á eld­hús­hníf á gólfinu heima hjá sér. Þar beið Mar­got í 45 mínútur eftir barna­píunni sinni, en hún segir að það hafi verið þess virði til þess eins að geta séð hana hlaupa öskrandi úr húsinu.

„Ég vildi bara gömlu barna­píuna mína aftur, hana Taliu sem var svona sex­tán ára og mér fannst svo nett. Svo fengum við barna­píu sem þessi miklu eldri kona og ég var ekki á­nægð með það. Hún sagði mér að fara í bað, sem ég vildi ekki gera og hún var al­mennt mjög fúl svo ég á­kvað að sýna henni í tvo heimana.“

Þá segist Mar­got eitt sinn hafa platað hóp af fólki upp úr skónum í verslunar­mið­stöð. Hún segist hafa þóst detta úr stiga og gestir verslunar­mið­stöðvarinnar orðið afar skelkaðir og hringt á sjúkra­bíl.

„Ég býst við því að ég hafi verið mjög dramatískt barn,“ segir leik­konan. Með­leikari hennar segir þar engu logið.