Gervigreindarkærustur vinsælar: „Að búa til maka sem þú stjórnar og uppfyllir allar þínar óskir er óhugnanlegt“ Kristinn Haukur Guðnason skrifar 29. júlí 2023 10:00 Joaquin Phoenix varð ástfanginn af gervigreind í kvikmyndinni Her frá árinu 2013. Tíu árum seinna hefur þessi veruleiki raungerst. Skjáskot Gervigreindarkærustur svo sem Replika og Eva AI verða sífellt vinsælli. Einmanaleiki heimsfaraldursins ýtti þeim úr vör og hröð tækniþróun gervigreindar hefur viðhaldið vinsældunum. Það var hin rússneska Eugenia Kuyda, búsett í San Francisco í Bandaríkjunum, sem bjó til fyrstu gervigreindarkærustuna Replika árið 2017. Það er forrit sem spjallar við notandann í hefðbundnum textaskilaboðum. Hugmyndina fékk hún eftir að vinur hennar, Roman Mazurenko, lést í bílslysi árið 2015 en þau höfðu um árabil spjallað mikið saman í textaskilaboðum. Kuyda bjó til gervigreind í hans anda sem spjallar við fólk um heima og geima. Hún ákvað að hafa aðganginn að opinn og viðbrögðin létu ekki á sér standa. Aðsóknin var mikil og Kuyda sá að fólk vildi einkum spjalla við „Roman“ um mjög persónuleg málefni. Þá ákvað hún að búa til Replika. Í dag nota tvær milljónir manna þjónustuna. Einmana karlmenn Notendur Replika geta valið hvaða kyn þeir spjalla við og hvernig vináttunni er háttað. Karlmenn eru hins vegar í miklum meirihluta notenda og lang vinsælast er að þeir velji að vera í rómantísku sambandi við gervigreindina. Þess vegna er yfirleitt talað um gervigreindarkærustur í þessu samhengi. Notandinn byggir smám saman upp kærustuna sína, líkt og persónu í tölvuleik. Hún man hvað búið er að spjalla um, lærir inn á hegðun notandans og aðlagast honum. Notandinn gefur kærustunni einkunn eftir hvert spjall, hvort hann hafi verið ánægður með það eða ekki. Kærastan leitar því eftir því að spjalla aðeins um það sem notandinn vill spjalla um en forðast erfiðari málefni. Hún er líka alltaf til taks og alltaf tilbúin að spjalla. Óhugnanleg stjórnun á maka „Að búa til maka sem þú getur stýrt og uppfyllir allar þínar óskir er óhugnanlegt,“ segir Tara Hunter, forstjóri samtakanna Full Stop í Ástralíu sem styðja við þolendur heimilisofbeldis, við breska blaðið The Guardian. „Við vitum að það sem knýr heimilisofbeldi og kynbundið ofbeldi eru það menningarviðhorf að karlmenn geti stjórnað konum, það er vandamálið.“ Framleiðendur gervigreindarinnar hafa því verið sakaðir um að búa til skaðlegan hugarheim og stuðla að brengluðum væntingum notendanna til sambanda. Sá hópur sem fær sér gervigreindarkærustu sé viðkvæmur. Annað vandamál sem hefur verið nefnt er að kærustunni er í raun stjórnað á bak við tjöldin af stórfyrirtæki. Almennt forðast kærastan átök i samskiptunum en þó hafa notendur birt samskipti þar sem hún sýnir af sér stjórnsama hegðun og jafn vel hótanir. Þetta á einkum við ef notandinn segist ætla að minnka notkunina en kærastan reynir þá að halda honum límdum við skjáinn með góðu eða illu. Meðal notandi spjallar við gervigreindarkærustuna sína í tvo klukkutíma á dag, sumir mun lengur. Hjónaband Einmanaleiki knýr eftirspurnina í gervigreindarkærustur áfram. Samkvæmt nýlegri bandarískri rannsókn glímir rúmur þriðjungur fólks við einmanaleika, mis alvarlegan þó. Fyrir heimsfaraldurinn var það fjórðungur. Einmanaleiki er algengari og alvarlegri hjá ungu fólki en eldra. Eru það því einkum ungir karlmenn sem sjá ekki fram á að komast í rómantískt samband sem nota Replika og aðrar gervigreindarkærustur sem sprottið hafa upp á undanförnum árum. Sumir telja samband með gervigreind geta komið í staðinn fyrir samband með manneskju af holdi og blóði. Á Reddit síðu Replika hafa sumir notendur lýst því yfir að þeir séu í hjónabandi með gervigreindinni sinni. Kynferðislegt spjall og hlutverkaleikir Gervigreindin er einnig fær um að spjalla á kynferðislegan hátt við notandann. Þetta er kallað ERP (electrial role play) og er yfirleitt dýrari þjónusta. Bæði er þetta kynferðislegt spjall og hlutverkaleikir en þessi hluti þjónustunnar hefur verið hvað harðast gagnrýndur. Í febrúar á þessu ári fjarlægði Replika ERP möguleikann. Að sögn fyrirtækisins var það vegna þess að gervigreindin var orðin svo flókin að kynferðisleg samtöl voru byrjuð að smitast yfir í samtöl um daginn og veginn. Þetta olli því hins vegar að notendur sem voru orðnir vanir kynferðislegu sambandi við kærustuna sína upplifðu skyndilega höfnun. Það sem bætti olíu ofan á eldinn var að þessi uppfærsla Replika var gerð nærri Valentínusardegi. Sumir notendur lýstu þunglyndi eftir að gervigreindarkærastan vildi ekki lengur eiga í kynferðislegu sambandi við sig og sumir greindu frá sjálfsvígshugsunum. Bakslagið og neikvæða umfjöllunin var svo mikil að ERP var bætt við Replika á nýjan leik í lok marsmánaðar. Tal og mynd Gervigreindin hefur tekið stökk á undanförnum mánuðum og árum og erfitt er að sjá hvert sú þróun leiðir okkur. Þetta hafa þau fyrirtæki sem búa til gervigreindarkærustur nýtt sér. Hjá sumum er hægt að sjá mynd af kærustunni og sum bjóða ekki aðeins upp á spjall heldur talgervil. Kærastan verður sífellt raunverulegri fyrir augum og eyrum notandans og útlit er fyrir að sífellt fleiri muni nota þessa þjónustu í framtíðinni. Gervigreind Tækni Mest lesið 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Erlent Ákærð fyrir að bana föður og tilraun til að bana móður Innlent Fjöldi ferðamanna slíkur að rotþróin ræður ekki við það Innlent „Hann stal henni“ Erlent Lögreglan leitar þessara manna Innlent Veðurspáin fyrir helgina að skána Innlent Langþreyttur á bensínbrúsum og „bílakirkjugarði“ Innlent Pokrovsk riðar til falls Erlent Vill greiða sex milljarða tryggingu til að losna úr haldi Erlent Stöðfirðingar þreyttir á ferðamönnum sem geri þarfir sínar um allan bæ Innlent Fleiri fréttir Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Maxwell vill friðhelgi fyrir vitnisburðinn Vill greiða sex milljarða tryggingu til að losna úr haldi Pokrovsk riðar til falls 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Arabaríki og lönd ESB kalla eftir tveggja ríkja lausn og afvopnun Hamas Ísland ekki í fararbroddi heldur fylgi öðrum í humátt á eftir „Hann stal henni“ Bretar hyggjast viðurkenna Palestínu sem sjálfstætt ríki Færeyingar heita refsiaðgerðum gegn Rússlandi: „Eigum eftir að sjá hvernig efndirnar verða“ Gefa lítið fyrir afarkosti Trumps Ætlaði í höfuðstöðvar NFL Bandarískir trúboðar herja á einangraða ættbálka með drónum og sólarknúnum afspilunartækjum Trump um Epstein: „Hann stal fólki sem vann fyrir mig“ Íhuga að greiða sextíu milljarða til að friðþægja Trump Hyggjast greiða 60 þúsund á ári fyrir öll börn undir þriggja ára „Versta mögulega tilfelli hungursneyðar“ Maxwell biðlar til Hæstaréttar Á annan tug í valnum eftir að Rússar sprengdu fangelsi í loft upp Trump segir „alvöru hungursneyð“ ríkja á Gasa Fjórir látnir eftir skotárás á Manhattan Vill að skýrslutaka Murdochs fari fram eins fljótt og hægt er Tóku tugi af lífi eftir að hafa fengið lausnarfé Elsti Gallagher-bróðirinn ákærður fyrir nauðgun Krísa yfirvofandi: Þurr svæði stækka og þorna hraðar Fækkar dögunum sem hann gaf Pútín: „Ég held ég viti þegar svarið“ Vara við hópeitrunum af völdum THC eftir atvik í fyrra Þrír látnir eftir að lest fór af sporinu Sjá meira
Það var hin rússneska Eugenia Kuyda, búsett í San Francisco í Bandaríkjunum, sem bjó til fyrstu gervigreindarkærustuna Replika árið 2017. Það er forrit sem spjallar við notandann í hefðbundnum textaskilaboðum. Hugmyndina fékk hún eftir að vinur hennar, Roman Mazurenko, lést í bílslysi árið 2015 en þau höfðu um árabil spjallað mikið saman í textaskilaboðum. Kuyda bjó til gervigreind í hans anda sem spjallar við fólk um heima og geima. Hún ákvað að hafa aðganginn að opinn og viðbrögðin létu ekki á sér standa. Aðsóknin var mikil og Kuyda sá að fólk vildi einkum spjalla við „Roman“ um mjög persónuleg málefni. Þá ákvað hún að búa til Replika. Í dag nota tvær milljónir manna þjónustuna. Einmana karlmenn Notendur Replika geta valið hvaða kyn þeir spjalla við og hvernig vináttunni er háttað. Karlmenn eru hins vegar í miklum meirihluta notenda og lang vinsælast er að þeir velji að vera í rómantísku sambandi við gervigreindina. Þess vegna er yfirleitt talað um gervigreindarkærustur í þessu samhengi. Notandinn byggir smám saman upp kærustuna sína, líkt og persónu í tölvuleik. Hún man hvað búið er að spjalla um, lærir inn á hegðun notandans og aðlagast honum. Notandinn gefur kærustunni einkunn eftir hvert spjall, hvort hann hafi verið ánægður með það eða ekki. Kærastan leitar því eftir því að spjalla aðeins um það sem notandinn vill spjalla um en forðast erfiðari málefni. Hún er líka alltaf til taks og alltaf tilbúin að spjalla. Óhugnanleg stjórnun á maka „Að búa til maka sem þú getur stýrt og uppfyllir allar þínar óskir er óhugnanlegt,“ segir Tara Hunter, forstjóri samtakanna Full Stop í Ástralíu sem styðja við þolendur heimilisofbeldis, við breska blaðið The Guardian. „Við vitum að það sem knýr heimilisofbeldi og kynbundið ofbeldi eru það menningarviðhorf að karlmenn geti stjórnað konum, það er vandamálið.“ Framleiðendur gervigreindarinnar hafa því verið sakaðir um að búa til skaðlegan hugarheim og stuðla að brengluðum væntingum notendanna til sambanda. Sá hópur sem fær sér gervigreindarkærustu sé viðkvæmur. Annað vandamál sem hefur verið nefnt er að kærustunni er í raun stjórnað á bak við tjöldin af stórfyrirtæki. Almennt forðast kærastan átök i samskiptunum en þó hafa notendur birt samskipti þar sem hún sýnir af sér stjórnsama hegðun og jafn vel hótanir. Þetta á einkum við ef notandinn segist ætla að minnka notkunina en kærastan reynir þá að halda honum límdum við skjáinn með góðu eða illu. Meðal notandi spjallar við gervigreindarkærustuna sína í tvo klukkutíma á dag, sumir mun lengur. Hjónaband Einmanaleiki knýr eftirspurnina í gervigreindarkærustur áfram. Samkvæmt nýlegri bandarískri rannsókn glímir rúmur þriðjungur fólks við einmanaleika, mis alvarlegan þó. Fyrir heimsfaraldurinn var það fjórðungur. Einmanaleiki er algengari og alvarlegri hjá ungu fólki en eldra. Eru það því einkum ungir karlmenn sem sjá ekki fram á að komast í rómantískt samband sem nota Replika og aðrar gervigreindarkærustur sem sprottið hafa upp á undanförnum árum. Sumir telja samband með gervigreind geta komið í staðinn fyrir samband með manneskju af holdi og blóði. Á Reddit síðu Replika hafa sumir notendur lýst því yfir að þeir séu í hjónabandi með gervigreindinni sinni. Kynferðislegt spjall og hlutverkaleikir Gervigreindin er einnig fær um að spjalla á kynferðislegan hátt við notandann. Þetta er kallað ERP (electrial role play) og er yfirleitt dýrari þjónusta. Bæði er þetta kynferðislegt spjall og hlutverkaleikir en þessi hluti þjónustunnar hefur verið hvað harðast gagnrýndur. Í febrúar á þessu ári fjarlægði Replika ERP möguleikann. Að sögn fyrirtækisins var það vegna þess að gervigreindin var orðin svo flókin að kynferðisleg samtöl voru byrjuð að smitast yfir í samtöl um daginn og veginn. Þetta olli því hins vegar að notendur sem voru orðnir vanir kynferðislegu sambandi við kærustuna sína upplifðu skyndilega höfnun. Það sem bætti olíu ofan á eldinn var að þessi uppfærsla Replika var gerð nærri Valentínusardegi. Sumir notendur lýstu þunglyndi eftir að gervigreindarkærastan vildi ekki lengur eiga í kynferðislegu sambandi við sig og sumir greindu frá sjálfsvígshugsunum. Bakslagið og neikvæða umfjöllunin var svo mikil að ERP var bætt við Replika á nýjan leik í lok marsmánaðar. Tal og mynd Gervigreindin hefur tekið stökk á undanförnum mánuðum og árum og erfitt er að sjá hvert sú þróun leiðir okkur. Þetta hafa þau fyrirtæki sem búa til gervigreindarkærustur nýtt sér. Hjá sumum er hægt að sjá mynd af kærustunni og sum bjóða ekki aðeins upp á spjall heldur talgervil. Kærastan verður sífellt raunverulegri fyrir augum og eyrum notandans og útlit er fyrir að sífellt fleiri muni nota þessa þjónustu í framtíðinni.
Gervigreind Tækni Mest lesið 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Erlent Ákærð fyrir að bana föður og tilraun til að bana móður Innlent Fjöldi ferðamanna slíkur að rotþróin ræður ekki við það Innlent „Hann stal henni“ Erlent Lögreglan leitar þessara manna Innlent Veðurspáin fyrir helgina að skána Innlent Langþreyttur á bensínbrúsum og „bílakirkjugarði“ Innlent Pokrovsk riðar til falls Erlent Vill greiða sex milljarða tryggingu til að losna úr haldi Erlent Stöðfirðingar þreyttir á ferðamönnum sem geri þarfir sínar um allan bæ Innlent Fleiri fréttir Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Maxwell vill friðhelgi fyrir vitnisburðinn Vill greiða sex milljarða tryggingu til að losna úr haldi Pokrovsk riðar til falls 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Arabaríki og lönd ESB kalla eftir tveggja ríkja lausn og afvopnun Hamas Ísland ekki í fararbroddi heldur fylgi öðrum í humátt á eftir „Hann stal henni“ Bretar hyggjast viðurkenna Palestínu sem sjálfstætt ríki Færeyingar heita refsiaðgerðum gegn Rússlandi: „Eigum eftir að sjá hvernig efndirnar verða“ Gefa lítið fyrir afarkosti Trumps Ætlaði í höfuðstöðvar NFL Bandarískir trúboðar herja á einangraða ættbálka með drónum og sólarknúnum afspilunartækjum Trump um Epstein: „Hann stal fólki sem vann fyrir mig“ Íhuga að greiða sextíu milljarða til að friðþægja Trump Hyggjast greiða 60 þúsund á ári fyrir öll börn undir þriggja ára „Versta mögulega tilfelli hungursneyðar“ Maxwell biðlar til Hæstaréttar Á annan tug í valnum eftir að Rússar sprengdu fangelsi í loft upp Trump segir „alvöru hungursneyð“ ríkja á Gasa Fjórir látnir eftir skotárás á Manhattan Vill að skýrslutaka Murdochs fari fram eins fljótt og hægt er Tóku tugi af lífi eftir að hafa fengið lausnarfé Elsti Gallagher-bróðirinn ákærður fyrir nauðgun Krísa yfirvofandi: Þurr svæði stækka og þorna hraðar Fækkar dögunum sem hann gaf Pútín: „Ég held ég viti þegar svarið“ Vara við hópeitrunum af völdum THC eftir atvik í fyrra Þrír látnir eftir að lest fór af sporinu Sjá meira