Sport

Kristján Örn skoraði sjö í sigri PAUC

Andri Már Eggertsson skrifar
Kristján Örn Kristjánsson í leik dagsins
Kristján Örn Kristjánsson í leik dagsins Facebook/Pays d'Aix Université Club Handball

Franska úrvalsdeildin fór af stað í dag þar sem Kristján Örn og félagar unnu Créteil. Heimamenn voru betri í síðari hálfleik sem skilaði sigri. 

Kristján Örn Kristjánsson fór fyrir sínu liði í fimm marka sigri gegn Créteil 32-27 í fyrstu umferð frönsku úrvalsdeildarinnar.

Jafnræði var með liðunum í fyrri hálfleik þar sem liðin skiptust á mörkum og það var jafnt í hálfleik 15-15. Um miðjan síðari hálfleik sigldi PAUC fram úr og vann verðskuldaðan fimm marka sigur 32-27.

Kristján Örn Kristjánsson fór á kostum og skoraði sjö mörk úr átta skotum. Kristján var allt í öllu og gaf fimm stoðsendingar og fiskaði víti.

 

Næsti leikur PAUC er gegn Dunkerque á útivelli næsta föstudag.

Franski handboltinn

Mest lesið


Fleiri fréttir

Sjá meira


×

Mest lesið