Eldur í iðnaðar­hús­næði í Kópa­vogi

Sigurjón Hendriksson, varðstjóri hjá slökkviliðinu, segir í samtali við fréttastofu að um talsvert mikinn eld sé að ræða. 

„Þetta byrjaði svolítið skarpt og jókst á leiðinni. Við sáum þegar við komum að þessu að það var töluverður reykur. Það eru allar stöðvar á staðnum og búið að vera að sækja að þessu úr tveimur áttum. Þetta virðist vera að nást niður,“ segir hann.

Slökkviliði hafi ekki borist neina tilkynningar um að fólk hafi verið inni í húsinu. Allt tiltækt lið hafi verið kallað út vegna eldsins.

Fréttin var uppfærð klukkan 19:29.