Musk hafi tekið mynd af sér í miðjum keisara­­skurði

„Hann hafði enga hug­mynd um hvers vegna ég væri í upp­námi,“ segir tón­listar­konan í bókinni um at­vikið þegar Musk myndaði hana þegar gerður var á henni keisara­skurður. Í bókinni heldur rit­höfundurinn Walter Isa­ac­son á penna en hann fékk leyfi til þess að fylgja Musk eftir í þrjú ár til þess að skrifa ævi­sögu hans.

Í um­fjöllun Peop­le um málið kemur fram að mynda­takan hafi átt sér stað við fæðingu X Æ A-Xii, sem fyrr­verandi hjúin hafa einungis kallað X. Ný­lega var það opin­berað í sömu bók að parið fyrr­verandi hefði eignast þriðja barnið, strák sem fékk nafnið Tau Techno Mechanius.

Gri­mes segir milljarða­mæringinn hafa sent myndina af henni í keisara­skurði til vina þeirra og fjöl­skyldu­með­lima. Þar á meðal föður hennar og bræðra.