Lífið

Hulk Hogan orðinn giftur maður

Bjarki Sigurðsson skrifar
Hulk Hogan árið 2015.
Hulk Hogan árið 2015. Getty/Jim Spellman

Glímukappinn fyrrverandi Hulk Hogan gekk í það heilaga um helgina. Þetta er í þriðja sinn sem hann gengur í hjónaband en einungis tveir mánuðir eru síðan hann trúlofaðist. 

Hogan gekk að eiga Sky Daily í Clearwater í Flórída-ríki um helgina. Talsverður aldursmunur er á hjónunum en Hogan er sjötíu ára á meðan jógakennarinn Daily er 45 ára. Einungis nánasta fjölskylda þeirra beggja var viðstödd athöfnina. 

Daily á þrjú börn og voru þau öll viðstödd athöfnina. Hins vegar gat einungis annað barna Hogan, sonur hans Nick, verið á svæðinu. Dóttir hans, Brooke, var ekki viðstödd. 

Fyrsta hjónaband Hogan var með Lindu Claridge árin 1983 til 2009. Á hann Nick og Brooke með henni. Ári eftir skilnaðinn giftist hann svo Jennifer McDaniel og voru þau saman í ellefu ár en þau skildu árið 2021.

Hollywood Ástin og lífið Bandaríkin Fjölbragðaglíma


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.