Sýslu­­maður á Suður­landi aftur orðinn sýslu­­maður í Vest­manna­eyjum

Í til­kynningu á vef stjórnar­ráðsins kemur fram að til­efnið sé beiðni Arn­dísar Soffíu Sigurðar­dóttur, sem skipuð var í em­bætti sýslu­mannsins í Vest­manna­eyjum frá 1. apríl 2020, um lausn frá em­bætti. Arn­dís verður aðal­lög­fræðingur og verk­efna­stjóri hjá lög­reglunni á Suður­landi.

Þetta er ekki í fyrsta skiptið sem Kristín er tímabundið sett sem sýslumaður í Vestmannaeyjum. Það gerðist einnig í janúar árið 2019. Þá mótmælti bæjarstjórn Vestmannaeyja og sagði bæjarstjóri að ekkert samráð hefði verið haft við bæjaryfirvöld.

Á vef stjórnar­ráðsins segir að sú á­kvörðun að setja sýslu­mann yfir tvö em­bætti sam­ræmist á­herslum Guð­rúnar Haf­steins­dóttur, dóms­mála­ráð­herra, í mál­efnum sýslu­manna. Þar á meðal að unnið verði að því að fella niður á­hrif um­dæmis­marka gagn­vart al­menningi.

Kemur enn­fremur fram að ráð­herrann hafi þann 22. septem­ber síðast­liðinn, á sýslu­mann­deginum, sem er sam­eigin­legur fræðslu­dagur sýslu­manns­em­bættanna, til­kynnt starfs­fólki að hún hygðist fylgja eftir fyri stefnu­mótunar­vinnu. Setningar sýslu­manna í laus em­bætti væri leið sem hún hefði á­huga á að nýta sér til að ná þeim mark­miðum.